જુનાગઢ શહેરના “સી” ડિવિઝન પોલીસ સ્ટેશનની ટીમે એક મહત્વની કામગીરીમાં કતલ માટે ગેરકાયદેસર રીતે હેરાફેરી કરતાં ટ્રક સહિત આરોપીઓને ઝડપી પાડ્યા છે અને ટ્રકમાંથી ૮ પશુઓને જીવતા અવસ્થામાં રક્ષા કરીને પાંજરાપોળમાં મોકલાવ્યા છે.
વિગતમાં જણાવ્યા મુજબ, જુનાગઢ રેન્જના પોલીસ મહાનિરીક્ષક શ્રી નિલેશ જાજડીયા સાહેબ, જિલ્લાના પોલીસ અધિક્ષક શ્રી સુબોધ ઓડેદરા સાહેબ તથા નાયબ પોલીસ અધિક્ષક હિતેષ ધાંધલ્યા સાહેબના સૂચન અને માર્ગદર્શન હેઠળ જિલ્લા વિસ્તારમાં ગુનાખોરી રોકવા માટે વિશેષ ડ્રાઈવ હાથ ધરવામાં આવી છે.
તેના અનુસંધાનમાં “સી” ડિવિઝનના પ્રો. પોલીસ ઇન્સ્પેક્ટર વિ.જે.સાવજ સાહેબના માર્ગદર્શન હેઠળ પોલીસ ટીમ પેટ્રોલિંગમાં હતી. આ દરમિયાન મળેલી ચોક્કસ જાણકારીના આધારે બીલખા રોડથી આવતી ટ્રક RJ-19-66-5534 ને રોકી તપાસ કરવામાં આવી હતી.
તપાસમાં ટ્રકમાંથી ૬ ભેંસો અને ૨ પારૂ પાડા મળ્યા હતા, જેને કોઈ જ ખોરાક કે પાણી વિના, અતિ ક્રૂર રીતે ટુંકા દોરડાથી બાંધીને હલનચલન વગર દયનીય હાલતમાં ટ્રાન્સપોર્ટ કરવામાં આવી રહ્યા હતા. આ તમામ પશુઓને કતલખાને લઈ જવામાં આવી રહ્યા હોવાનું પ્રાથમિક તપાસમાં સામે આવ્યું છે.
આ કારણે ટ્રક ચાલક અને સહયોગી સામે ગુજરાત પશુ સંરક્ષણ (સુધારા) અધિનિયમ ૨૦૧૭ની કલમ ૬(એ), ૮(૧), પશુ પ્રત્યે ક્રૂરતા પ્રતિબંધ અધિનિયમ ૧૯૬૦ની કલમ ૧૧(૧)(ડી)(ઈ)(એફ) તથા ભારતીય ન્યાય સંહિતા ૨૦૨૩ની કલમ ૫૪ હેઠળ ગુનાહિત ગુનો દાખલ કરવામાં આવ્યો છે.
પકડાયેલ આરોપીઓઃ
(૧) આફતાબ ઝાકીરભાઇ કારવાત (ઉ.વ. ૨૦), રહે. નવાગઢ, જી. રાજકોટ
(૨) ઝાવીંદભાઇ સુલેમાનભાઇ બાવનકા (ઉ.વ. ૨૦), રહે. નવાગઢ, જી. રાજકોટ
કબ્જે કરાયેલ મુદામાલઃ
અશોક લેલન ટ્રક RJ-19-66-5534, કિંમત આશરે રૂ. ૭ લાખ
મોબાઇલ ફોન – ૧, કિંમત રૂ. ૫,૦૦૦
પશુઓ: ૬ ભેંસો (રૂ. ૩ લાખ), ૨ પારૂ પાડા (રૂ. ૨૪ હજાર)
આ કામગીરીમાં સાથ આપનાર કડક પોલીસ સ્ટાફ:
પી.આઇ. વિ.જે.સાવજ
એ.એસ.આઇ. એન.આર. ભેટારીયા
પો.કોન્સ. જીલુભા ઠારણભાઇ ગાંગણા
પો.કોન્સ. અજયભાઇ આસનદાસ
પો.કોન્સ. મનહરભાઇ જેરામભાઇ ટાંક
બચાવેલ પશુઓને વેટર્નરી તપાસ બાદ જેતપુરની મહાજન પાંજરાપોળમાં સુરક્ષિત રીતે ખસેડવામાં આવ્યા છે. સમગ્ર ઘટનાની આગળની તપાસ પોલીસ દ્વારા ઝડપથી હાથ ધરવામાં આવી રહી છે.
અહેવાલ : નરેન્દ્ર દવે સાથે જગદીશ યાદવ, જુનાગઢ
