ડૉ.સુભાષ એકેડેમિ, જૂનાગઢ દ્વારા ૨૬મી જાન્યુઆરીનારોજ ૭૬ માં પ્રજાસત્તાક દિનની ઉજવણી કરવામાં આવી હતી. ડૉ. સુભાષ રંગ ભવન ખાતે યોજાયેલી આ ઉજવણીમાં સંસ્થાના આદ્ય સ્થાપકશ્રી પેથલજીભાઈ ચાવડાના સ્મરણ દ્વારા કાર્યક્રમનો પ્રારંભ કરવામાં આવ્યો હતો. ત્યારબાદ વંદે માતરમ ગાન દ્વારા ઉપસ્થિત લોકોમાં રાષ્ટ્રભક્તિની લહેર પ્રગટ કરવામાં આવી હતી. પ્રારંભે સંસ્થાના પ્રમુખ અને ગુજરાત સરકારના પૂર્વ કેબિનેટ મંત્રીશ્રી જવાહરભાઈ ચાવડાના વરદ હસ્તે ધ્વજ વંદન કરવામાં આવ્યું હતું અને વિશ્વ વિજય વિશ્વ તિરંગા પ્યારા ગીત વિદ્યાર્થીઓ દ્વારા ગાવામાં આવ્યું હતું.
રાષ્ટ્રગીત ‘જન ગણ મન અધિનાયક જય હે’ ના ગાન દ્વારા ધ્વજને સલામી આપવામાં આવી હતી અને ત્યારબાદ વંદે માતરમ, આઝાદી અમર રહો, જય , જય કિસાન,ના પ્રચંડ નાદ દ્વારા રાષ્ટ્ર ભાવના પ્રગટ કરવામાં આવી હતી. આ પ્રસંગે ડૉ.સુભાષ એકેડેમિ,જૂનાગઢ સલગ્ન વિવિધ સંસ્થાઓના વિદ્યાર્થીઓ દ્વારા રાષ્ટ્રધ્વજને પરેડ નિર્દેશન અને સલામી આપવામાં આવી હતી, રાષ્ટ્રપર્વ નિમિતે સુભાષ આર્ય કન્યા વિદ્યાલયના શિક્ષિકા શ્રી જીજ્ઞાશાબેન ડાંગરે પ્રાસંગિક ઉદબોધન કર્યું હતું અને ૨૬ જાન્યુઆરીનું મહત્વ, વિદ્યાર્થીઓમાં રાષ્ટ્ર ભાવના પ્રવર્તે એવી વાત કરી હાલ રાષ્ટ્રભાવના એટલે શું ? એ સંદર્ભે પોતાનું વક્તવ્ય આપ્યું આપણા શહીદો પ્રત્યે કૃતજ્ઞભાવના વ્યક્ત કરી હતી. ત્યારબાદ ડૉ.સુભાષ ચાવડા પ્રાથમિક સ્કૂલ, આશ્રમશાળા અને આર્ય કન્યા વિદ્યાલયની બહેનો દ્વારા વિવિધ સંસ્કૃતિ કાર્યક્રમનું આયોજન કરવામાં આવ્યું હતું આ કાર્યક્રમનું સંચાલન શ્રી પ્રજ્ઞાબેન વેદ તેમજ શ્રી વસંતભાઈ મધુડીયા દ્વારા કરવામાં આવ્યું હતું
રાષ્ટ્રપર્વ નિમિત્તે સંસ્થાના શ્રી મિતાબેન ચાવડા શ્રી કિશોરભાઈ રાઠોડ,ડૉ.બલરામ ચાવડા, આચાર્યા મોસમીબેન, હોસ્ટેલ ચિફ રેક્ટર વનિતાબેન તથા સંલગ્ન સંસ્થાઓના આચાર્ય મિત્રો અને અધ્યાપક મિત્રો અને વિદ્યાર્થી બહેનોએ બહોળી સંખ્યામાં હાજરી આપી હતી
અહેવાલ : નરેન્દ્ર દવે સાથે જગદીશ યાદવ (જૂનાગઢ)
