ગીર સોમનાથ જિલ્લાના તાલાલા શહેરમાં થયેલા ગંભીર હુલ્લડખોરી અને રાયોટીંગના કેસમાં પોલીસને મોટી સફળતા મળી છે. લાંબા સમયથી નાસતા ફરતા 19 આરોપીઓને ગીર સોમનાથ પોલીસની સંયુક્ત ટીમે ઝડપી લીધા છે.
જૂનાગઢ રેન્જ આઈજીપી નિલેશ જાજડીયા, ગીર સોમનાથના પોલીસ અધિક્ષક જયદીપસિંહ જાડેજા, તથા નાયબ પોલીસ અધિક્ષક વેરાવળ વિભાગ વિ.આર. ખેંગારના માર્ગદર્શન હેઠળ આ કામગીરી હાથ ધરવામાં આવી હતી.
📌 ગુન્હાની વિગત
12 સપ્ટેમ્બર, 2025ના રોજ રાત્રે લગભગ 11:15 વાગ્યે તાલાલા શહેરમાં રેલ્વે ફાટક, કિષ્ણા હોસ્પિટલ તથા સરકારી હોસ્પિટલ પાસે આરોપીઓએ ગેરકાયદેસર મંડળી રચી હતી.
પથ્થરો અને લાકડાં વડે સામસામે હુમલા
જાહેરમાં ગાળો, મારામારી અને ઇજાઓ
કોમવાદી તણાવ પેદા કરવાનો પ્રયાસ
પોલીસની કાયદેસરની ફરજમાં અવરોધ
જિલ્લા મેજિસ્ટ્રેટના હથિયાર જાહેનામાનો ભંગ
આ બનાવને લઈને તાલાલા પોલીસ સ્ટેશનમાં ગુ.ર.નં-11186007251111/2025 નોંધાયો હતો. ભારતીય ન્યાય સંહિતા 2023ની કલમો 194(2), 195(2), 189(2), 191(2)(3), 190, 351(2), 221, 115(2), 118(1), 352 તથા જી.પી. એક્ટ કલમ 135 મુજબ ગુન્હો દાખલ કરવામાં આવ્યો.
📌 ઝડપાયેલા આરોપીઓ
આ કામગીરીમાં કુલ 19 આરોપીઓને પકડવામાં આવ્યા છે. જેમાંથી કેટલાકનાં નામ આ મુજબ છે:
મુસ્તફા ઉર્ફે લુખ્ખો મમદભાઈ ચોવટ (તાલાલા)
રીઝવાન ઉર્ફે બટુક સુભાનભાઈ ચોટીયારા (તાલાલા)
અરબાજભાઈ મેહબુબ મકવાણા (તાલાલા)
તુફેલભાઈ બાબુભાઈ મકવાણા (તાલાલા)
ફરીદ ઉર્ફે બાબા યુસુફભાઈ ભાલીયા (તાલાલા)
…જયદીપભાઈ મહેશભાઈ સોલંકી (ગુંદરણ)
(બાકીના તમામ નામો પોલીસ રિપોર્ટ મુજબ સામેલ છે.)
📌 કામગીરી કરનાર ટીમ
પો.ઇન્સ. જે.એન. ગઢવી (તાલાલા)
ઇન્સ્પેક્ટર એમ.વી. પટેલ (LCB)
પો.સબ.ઇન્સ. એ.સી. સિંધવ (LCB)
ઇન્સ્પેક્ટર એન.એ. વાઘેલા (SOG)
તથા અન્ય પોલીસ અધિકારીઓ અને સ્ટાફ
આ ટીમે ગુન્હાની ગંભીરતા સમજતા અલગ અલગ સ્થળે દરોડા પાડી આરોપીઓને ઝડપી લીધા હતા.
📌 પોલીસનું નિવેદન
પોલીસે સ્પષ્ટ કર્યું છે કે, જાહેરમાં હુલ્લડખોરી, ફરજ રૂકાવટ અને કોમવાદી તણાવ પેદા કરવાના પ્રયાસો સહન કરાશે નહીં. ગુન્હામાં સંડોવાયેલા આરોપીઓને કાયદા મુજબ સખત સજા અપાશે.
અહેવાલ: પ્રકાશ કારાણી, વેરાવળ-સોમનાથ
