જૂનાગઢ શહેરના વિવિધ વિસ્તારોમાંથી ખોવાયેલા મોબાઇલ ફોન અને કિંમતી સામાનને શોધી મૂળ માલિકોને પરત કરીને જૂનાગઢ પોલીસની નેત્રમ શાખાએ “પોલીસ પ્રજાનો મિત્ર છે” એ વાક્યને સાર્થક સાબિત કર્યું છે.
જિલ્લા પોલીસ વડા સુબોધ ઓડેદરા તથા આઈ.જી. શ્રી નિલેશ જાજડીયા અને ડીવાયએસપી એ.એસ. પટણીના માર્ગદર્શન હેઠળ, નેત્રમ શાખાના સ્ટાફ દ્વારા વિશ્વાસ પ્રોજેક્ટ હેઠળ લાગેલા CCTV કેમેરા અને દક્ષિણે તપાસ કાર્ય કરીને કુલ **રૂ. 67,200/-**ના મુદામાલ – જેમાં 3 મોબાઇલ ફોન અને 7 કિંમતી બેગ/સામાનનો સમાવેશ થાય છે – તેના મૂળ માલિકોને પરત અપાયો છે.
આ કામગીરીમાં જુનાગઢ શહેર, ગીર સોમનાથ અને પશ્ચિમ બંગાળના પ્રવાસીઓ સહિતના કુલ 9 અરજદારોને તેઓ ગુમાવેલા મોબાઇલ, રોકડ રકમ અને થેલા-બેગ પરત મળ્યા છે. વાસ્તવિક ધોરણે, 25,000ના Oppo, 20,000ના Vivo, 13,000ના Realme ફોન અને રોકડ સહીતના થેલાની શોધને કારણે લોકોને ભારે રાહત મળી છે.
આ સમગ્ર કામગીરીમાં પીએસઆઈ પ્રતિક મશરુ અને ટીમના પોલીસ જવાનો તથા મહિલા કર્મચારીઓનો મહત્વનો ફાળો રહ્યો હતો. લોકોમાં પોલીસ પ્રત્યે વિશ્વાસ જમાવતી આ કામગીરી માટે અરજદારો દ્વારા જૂનાગઢ પોલીસનો આભાર વ્યક્ત કરવામાં આવ્યો હતો.
અહેવાલ : નરેન્દ્ર દવે સાથે જગદીશ યાદવ જૂનાગઢ
