આદિજાતિ બાબતોના મંત્રાલય દ્વારા ૩૦ જૂનથી ૧૫ જુલાઈ સુધી ચલાવવામાં આવેલ ધરતી આબા જન ભાગીદારી અભિયાન (DAJUGA) અંતર્ગત જૂનાગઢ જિલ્લામાં વિવિધ સ્થળોએ ખાસ સેચ્યુરેશન કેમ્પોનું આયોજન કરવામાં આવ્યું હતું.
જિલ્લા કલેક્ટર અનિલકુમાર રાણાવસિયાના માર્ગદર્શન હેઠળ સાસણ, શીરવાણ, મેંદરડા, ગડુ, અમરાપુર, કેશોદ, માંગરોળ અને જૂનાગઢ શહેરમાં વસતા સીદી સમુદાયના નાગરિકો માટે સેવાના કેમ્પો યોજાયા, જેમાંથી કુલ ૧૧૯૪ નાગરિકોએ સરકારની વિવિધ જનકલ્યાણલક્ષી યોજનાઓનો લાભ પ્રાપ્ત કર્યો.
આ અભિયાનનો મુખ્ય ઉદ્દેશ આરોગ્ય, ઓળખ અને પોષણથી જોડાયેલી વિવિધ સેવાઓને સીધી રીતે લાયકાત ધરાવતા નાગરિકો સુધી પહોંચાડવાનો હતો. કેમ્પમાં આધાર કાર્ડ, રેશન કાર્ડ, જાતિ પ્રમાણપત્ર, હેલ્થ ચેકઅપ, આયુષ્માન કાર્ડ અને કિસાન સન્માન નિધિ સહિતની વિવિધ સેવાઓ ઉપલબ્ધ કરાવાઈ.
સીદી સમુદાયના નાગરિકોએ પણ ઉત્સાહભેર અભિયાનમાં ભાગ લીધો હતો અને સરકારના પ્રયાસોનું તહેનામાં હૃદયપૂર્વક સ્વાગત કર્યું હતું. આ અભિયાન માર્ગદર્શક અને સર્વસામાન્ય નાગરિક વચ્ચે નો નફાકારક પુલ બની રહ્યું છે, જેનાથી લોકોના જીવનમાટાં જરૂરી ડોક્યુમેન્ટ્સ અને યોજનાનો સરળતાથી લાભ મળતો થાય છે.
અહેવાલ: નરેન્દ્ર દવે સાથે જગદીશ યાદવ, જૂનાગઢ
