ધરમપુર: આસુરા ગામે શ્રી ગણેશ યુવક મંડળ દ્વારા આ વર્ષે ચોથા વખતનો મંગલ પ્રવેશ કાર્યક્રમ ભવ્ય રીતે યોજાયો. દર વર્ષે જેમ ગામવાસીઓ ઉત્સાહપૂર્વક જોડાય છે, તેમ આ વર્ષે પણ ગ્રામજનોમાં અનોખો ઉમંગ જોવા મળ્યો.
ગામના સરપંચ સંજયભાઈ અને તેમની પત્ની સારિકા બહેનએ શાસ્ત્રોક્ત વિધિ અનુસાર ગણપતિ દાદાની પૂજા અર્ચના કરીને પ્રતિમાની સ્થાપના કરી. વિધિ દરમિયાન મંત્રોચ્ચાર અને આરતી સાથે સમગ્ર માહોલ ભક્તિભાવથી છલકાતો બન્યો.
ગામવાસીઓએ મોટી સંખ્યામાં હાજરી આપી ગણપતિ બાપાના જયજયકાર સાથે કાર્યક્રમને યાદગાર બનાવ્યો. યુવક મંડળ દ્વારા સમગ્ર આયોજન ખૂબ સુંદર રીતે કરવામાં આવ્યું હતું. ખાસ કરીને ગામના યુવાનોની આગેવાની હેઠળ સ્થાપના, સજાવટ તથા સુવિધાઓની વ્યવસ્થા કરવામાં આવી હતી.
આ પ્રસંગે ગ્રામજનોને સંબોધિત કરતા સરપંચે જણાવ્યું કે, ગણપતિ બાપાની આરાધના દ્વારા ગામમાં શાંતિ, સુખ અને એકતા વધે છે. બાળકો, મહિલાઓ અને યુવાનો સૌએ મળીને ભક્તિ ગીતો, આરતી અને સાંસ્કૃતિક કાર્યક્રમોમાં ભાગ લીધો હતો.
આ રીતે ધાર્મિક શ્રદ્ધા સાથે કરવામાં આવેલી સ્થાપનાથી આસુરા ગામમાં ગણેશોત્સવનો આરંભ થયો છે. આવનારા દિવસોમાં વિવિધ ધાર્મિક તેમજ સાંસ્કૃતિક કાર્યક્રમો યોજાઈ, ગામવાસીઓને આનંદ અને ભક્તિનું વાતાવરણ અનુભવાવશે.
