રાજકોટ જીલ્લાના ધોરાજી શહેરમાં ફરી કાયદા-કાયદાની અવહેલના થતી દ્રશ્યો સામે આવ્યા છે. ધોરાજી ધારાસભ્ય મહેન્દ્ર પાડલીયા ના મત વિસ્તાર બહારપુરા વિસ્તારમાં તાજેતરમાં થયેલી એક ભારે મારામારીનો વીડિયો સોશિયલ મીડિયા પર વાયરલ થયો છે, જેમાં પોલીસની કામગીરી પર ગંભીર પ્રશ્નો ઉભા થયા છે.
આ વાયરલ વીડિયો જોવા મળ્યો છે જેમાં મહિલાઓ અને પુરુષો હાથમાં ધોકા પાઇપ અને પથ્થરો લઈ એકબીજા પર હુમલો કરતા દેખાઈ રહ્યા છે. ઘટના એટલી ગંભીર છે કે પોલીસની ધાક ઉડી ગઈ હોય તેમ દ્રશ્યો સોશિયલ મીડિયામાં ચર્ચાના વિષય બન્યા છે.
જ્યાં એક તરફ ગુજરાતના ગૃહમંત્રી હર્ષ સંઘવી કાયદો હાથમાં લેનાર લોકો માટે દંડની ચેતવણી આપે છે, ત્યાં બીજી તરફ આ ઘટના પોલીસની કાર્યક્ષમતા પર સવાલ ઉભા કરી રહી છે.
ધોરાજીમાં કાયદા અને વ્યવસ્થાનું ઢાંચો કથળી છે એવું આ ઘટનાએ સ્પષ્ટ કરી દીધું છે. બહારપુરા વિસ્તારમાં એકજ સમાજના બે જૂથો વચ્ચે ત્રણથી ચાર દિવસ પહેલા થયેલી આ મારામારીનો વીડિયો વાયરલ થતાં પોલીસએ ગુનો નોંધી વધુ તપાસ શરૂ કરી છે.
ધોરાજી પોલીસે આ મામલે તાકીદથી પગલાં લીધા છે, અને વધુ કાર્યવાહી માટે જરૂરી કાર્યવાહી હાથ ધરી છે.
સ્થળ: ધોરાજી, રાજકોટ જીલ્લા
