નવસારી મહાનગરપાલિકા દ્વારા દિન દયાલ અંત્યોદય યોજના – રાષ્ટ્રીય શહેરી આજીવિકા મિશન (DAY-NULM) હેઠળ આજરોજ “રાખી મેળો – 2025” નું ઉજવણીમય લોકાર્પણ કરવામાં આવ્યું. કાર્યક્રમનું આયોજન નવસારી મહાનગરપાલિકા મુખ્ય કચેરી ખાતે કરવામાં આવ્યું હતું, જ્યાં શહેરના માનનીય ધારાસભ્ય શ્રીના વરદ હસ્તે અને નવસારી મહાનગરપાલિકાના માનનીય કમિશનરશ્રીની ખાસ ઉપસ્થિતિમાં ઉજવણી થઈ.
આ મેળાનું મુખ્ય ઉદ્દેશ શહેરી વિસ્તારોમાં વસવાટ કરતી મહિલાઓને સ્વનિર્ભર બનાવવાનો તથા મહિલાઓ દ્રારા ચલાવવામાં આવતા સખી મંડળોને આર્થિક પ્રવૃત્તિ માટે પ્રોત્સાહન આપવાનો છે. મેળામાં ભાગ લેનાર વિવિધ સખી મંડળોએ રાખી, હાથથી બનેલી હસ્તકળાની વસ્તુઓ, ઘરઘણતી વસ્તુઓ, બ્યુટી પ્રોડક્ટ્સ, કેક-શ્રૃંગાર સામગ્રી અને વિવિધ પ્રકારના લોકલ ઉત્પાદનોની સ્ટોલ લગાવી હતી.
મહિલાઓ દ્વારા તૈયાર કરાયેલા વિવિધ ઉત્પાદનો જોવા જેતી ભીડ ઉપસ્થિત રહી હતી. લોકોને સ્થાનિક સ્તરે બનેલી વસ્તુઓ ખરીદીને મહિલાઓને સહકાર આપવા અનુરોધ કરાયો હતો. આ મેળો માત્ર વેચાણ-ખરીદી માટે નહીં પણ મહિલા સશક્તિકરણનું જીવંત ઉદાહરણ છે.
આ અવસરે મ્યુનિસિપલ કમિશનરશ્રીએ જણાવ્યું હતું કે, “આજના સમયમાં મહિલાઓમાં રહેલી કળા અને કાર્યકુશળતાને યોગ્ય મંચ આપવો અત્યંત જરૂરી છે. આવા મેળાઓ દ્વારા મહિલાઓમાં આત્મવિશ્વાસ વધે છે અને તેઓ આત્મનિર્ભર બનવાના માર્ગે આગળ વધે છે.”
લોકાર્પણ કાર્યક્રમ બાદ ધારાસભ્યશ્રીએ વિવિધ સ્ટોલ પર જઈને નિરીક્ષણ કર્યું અને મહિલાઓ સાથે સંવાદ સાધ્યો. શહેરના નાગરિકો, અધિકારીઓ, વિજ્ઞાતજનો અને સ્થાનિક મીડીયા પ્રતિનિધિઓ સહિત મોટી સંખ્યામાં લોકો આ કાર્યક્રમમાં ઉપસ્થિત રહ્યા હતા.
આ entire કાર્યક્રમ સફળ બનાવવા માટે મહાનગરપાલિકાના વિવિધ વિભાગો, આત્મા મિશન ટીમ તથા સખી મંડળોની ભુમિકા નોંધપાત્ર રહી હતી.
અહેવાલ: આરીફ શેખ
