નવસારી:
નવસારી શહેરમાં લાંબા સમયથી નાગરિકોની માગ પછી, મહાનગરપાલિકા દ્વારા ફરી એકવાર રખડતા ઢોરોને પકડવાની કામગીરી હાથ ધરવામાં આવી છે. તાજેતરમાં શાંતાદેવી રોડ વિસ્તારેથી રખડતા ઢોરોને પકડીને પાંજરે પૂરવામાં આવ્યા હતા.
જોકે, આ કામગીરી સાથે now નવા પ્રશ્નો ઊભા થયા છે. રખડતા ઢોરોને પકડતી વખતે મહાનગરપાલિકાના કર્મચારીઓને પૂરતી સુરક્ષા સુવિધાઓ આપવામાં આવી નથી તેવું જાણવા મળી રહ્યું છે. ફીલ્ડમાં કામ કરતા કર્મચારીઓના જણાવ્યા મુજબ તેઓ પાસે જરૂરી સુરક્ષા સાધનો જેમ કે હેલ્મેટ, સેફ્ટી શૂઝ, યુનિફોર્મ, રેનકોટ કે જીવન વિમાની સુવિધા ઉપલબ્ધ નથી. પરિણામે તેઓ પોતાનો જીવ જોખમમાં મુકી ફરજ બજાવી રહ્યા છે.
શહેરમાં રખડતા ઢોરોની સમસ્યા લાંબા સમયથી યથાવત છે. પથારીયા માર્ગો પર ઢોરોના ટોળાં ફરતાં હોવાને કારણે ટ્રાફિકમાં અવારનવાર અવરોધો ઊભા થાય છે અને અકસ્માતના બનાવો પણ સર્જાતા રહ્યા છે. ભૂતકાળમાં આ પ્રકારની કામગીરી દરમિયાન પાલિકા ટીમ અને પશુપાલકો વચ્ચે ઘર્ષણ પણ જોવા મળ્યું હતું.
સ્થાનિક પાંજરાપોળ દ્વારા વધુ ઢોરો સ્વીકારવામાં અનિચ્છા બતાવવામાં આવતા, મહાનગરપાલિકા માટે આ કામગીરી વધુ મુશ્કેલ બની છે. તેમ છતાં, નવસારી પાલિકાએ કાર્યવાહી શરૂ કરીને નાગરિકોને રાહત આપવા પ્રયત્ન કર્યો છે.
હવે શહેરમાં ચર્ચાનો વિષય એ છે કે, શું પાલિકા પોતાના કર્મચારીઓને પૂરતી સુરક્ષા આપશે? તેમજ શું રખડતા ઢોરોની સમસ્યા માટે લાંગટર્મ ઉકેલ લાવશે? શહેરજનોને આશા છે કે મહાનગરપાલિકા બંને મુદ્દે ગંભીરતાપૂર્વક પગલાં લેશે.
રિપોર્ટર: મનોજ દરજી, નવસારી
