નવસારી નેશનલ હાઇવે નં ૪૮ હાઇવે ઉપર સ્ટેટ મોનીટરીંગ સેલએ મોટી કાર્યવાહી કરી છે. SMCએ મુંબઈથી અમદાવાદ તરફ જતો કોકેઈનનો મોટો જથ્થો ઝડપી પાડ્યો છે. નાઈજિરિયન મહિલા વેગનાર MH-48-CQ-8079 નંબરની કારમાં કોકેઈનનો જથ્થો લઈને જઈ રહી હતી. જેને SMCએ અટકાવીને કોકેઈનના જથ્થા સહિતનો મુદ્દામાલ જપ્ત કર્યો છે SMCએ બાતમીના આધારે કરોડો રૂપિયાનો કોકેઈનનો જથ્થો ઝડપીને સપાટો બોલાવ્યો છે. હાલમાં SMCની આ મામલે કાર્યવાહી ચાલી રહી છે. કાર્યવાહી પૂર્ણ થયા બાદ અનેક મોટા ખુલાસાઓ પણ થઈ શકે છે. રાજ્ય સરકારે બનાવેલ સ્ટેટ મોનીટરીંગ સેલમાં પ્રથમ કેસ નોંધાયો છે જેમાં ગૃહ રાજયમંત્રી હર્ષ સંઘવીએ ટ્વીટ કરી SMC ટીમને અભિનંદન આપ્યા હતાં..
અહેવાલ: આરીફ શેખ (નવસારી)
