નવસારી જિલ્લામાં ચકચાર ઉમટાવનારા એક પોકસો કેસમાં નામદાર કોર્ટે મહત્વપૂર્ણ ચુકાદો આપ્યો છે. ખેરગામ પંથકમાં રહેતી માત્ર ૧૨ વર્ષની સગીરા, કે જે પોતાની મોટી બહેનના સાસરે મહેમાન તરીકે આવેલી હતી, તે દરમિયાન ધરપકડ થયેલ સંજય વાઘીયા નામના યુવકને નિર્દોષ જાહેર કરવામાં આવ્યો છે.
કેસ અનુસાર, જલારામ જયંતિના દિવસે when ઘરે બધા મહાપ્રસાદ પ્રસંગે બહાર ગયેલા, ત્યારે સગીરા ઘરમાં એકલી હતી. એ દરમિયાન પરિચિત સંજય વાઘીયાએ તેણીને કપડાં અને મોબાઇલની લાલચ આપી અપહરણ કરી દુષ્કર્મ આચર્યું હોવાનો આરોપ લગાવવામાં આવ્યો હતો.
આ મામલે ખેરગામ પોલીસ સ્ટેશને પોકસો એક્ટ હેઠળ કેસ નોંધી આરોપી પોલીસ કસ્ટડીમાં લીધો હતો.
આરોપી તરફથી નામચીન વકીલ પેનલ – નવસારીના સિનિયર એડવોકેટ પ્રતાપસિંહ કે મહિડા, એડવોકેટ શૈલેષ આર મોદી અને એડવોકેટ રિયા મહેતા દ્વારા કોર્ટમાં દલીલો આપવામાં આવી હતી.
પ્રતિભાવો અનુસાર:
ગુનાની ફરિયાદ 10 દિવસ પછી નોંધવામાં આવી હતી.
ભોગ બનનારાની ઉમર સંબંધિત કોઈ માન્ય પુરાવા પોલીસ તપાસમાં રજૂ કરવામાં આવ્યો નહોતો.
કેસમાં કેટલાક વિરુદ્ધ મતભેદ અને પુરાવાનો અભાવ નોંધાયો હતો.
આ તમામ મુદ્દાઓને આધારિત બનાવી, સુપ્રીમ કોર્ટ અને હાઈકોર્ટોના અગાઉના ચુકાદાઓના હવાલા સાથે, સ્પેશિયલ પોકસો કોર્ટના જજ ડી.કે. દવે સાહેબે આરોપી સંજય વાઘીયાને નિર્દોષ ઠરાવતો ચુકાદો આપ્યો.
અહેવાલ: આરીફ શેખ
