જુનાગઢ: મહાનગર પાલિકા, આઈ.સી.ડી.એસ. શાખા અને મહિલા-બાળ વિકાસ વિભાગના સંયુક્ત ઉપક્રમે પોષણ અને આરોગ્ય વધારવાના હેતુથી “પોષણ ઉત્સવ-૨૦૨૪” અંતર્ગત ટેક હોમ રાશન અને મિલેટ (શ્રીઅન્ન) માંથી બનતી પૌષ્ટિક વાનગીઓની સ્પર્ધા તેમજ માતા યશોદા એવોર્ડ વિતરણ કાર્યક્રમ યોજાયો.
📌 “માતા યશોદા એવોર્ડ” વિતરણ:
🔹 વર્ષ ૨૦૨૧-૨૨ દરમ્યાન શ્રેષ્ઠ કામગીરી માટે આંગણવાડી કાર્યકરો, તેડાગરો અને મુખ્ય સેવિકાઓને સન્માનિત કરવામાં આવ્યા.
🔹 પ્રમાણપત્ર, મોમેન્ટો અને ચેક દ્વારા વિજેતાઓને માન-સન્માન આપવામાં આવ્યું.
📌 “મિલેટ અને પૌષ્ટિક વાનગી સ્પર્ધા” યોજાઈ:
🔸 મહિલાઓ અને આંગણવાડી બહેનો દ્વારા ટેક હોમ રાશન અને મિલેટથી પૌષ્ટિક વાનગીઓ તૈયાર કરાઈ.
🔸 સૌથી ઉત્તમ વાનગી તૈયાર કરનાર બહેનોને પુરસ્કૃત કરવામાં આવ્યા.
📌 “પોષણ અને આરોગ્ય અંગે માર્ગદર્શન”
✔️ આઈ.સી.ડી.એસ. શાખાના પ્રોગ્રામ ઓફિસર ચેતન સોજીત્રાએ ટેક હોમ રાશન અને મિલેટથી મળતા પોષણલાભ વિશે માહિતી આપી.
✔️ મેડિકલ ઓફિસર ડો. સ્વયં પ્રકાશ પાંડે દ્વારા આરોગ્ય અને પોષણ સંબંધી કાળજી અંગે વિસ્તૃત સમજ આપવામાં આવી.
📌 “કાર્યક્રમમાં ઉપસ્થિત મહાનુભાવો”
✔️ જુનાગઢ મહાનગર પાલિકાના ડે. મ્યુનિસિપલ કમિશ્નર ડી.જે. જાડેજા
✔️ મેડિકલ ઓફિસર ઓફ હેલ્થ ડો. સ્વયં પ્રકાશ પાંડે
✔️ આઈ.સી.ડી.એસ. શાખાના પ્રોગ્રામ ઓફિસર ચેતન સોજીત્રા
🔹 આ કાર્યક્રમ દ્વારા પૌષ્ટિક ખોરાકના મહત્વને લોકો સુધી પહોંચાડવા અને આરોગ્યપ્રદ જીવનશૈલી અપનાવવાના સંદેશને વેગ મળ્યો હતો.
(અહેવાલ: નરેન્દ્ર દવે સાથે જગદીશ યાદવ, જૂનાગઢ)
