જૂનાગઢ જિલ્લાના “એ” ડીવીઝન પોલીસ સ્ટેશન વિસ્તારમાં એક ગંભીર ગુનાનો ભાંડો ફૂટતાં પોલીસ તંત્રએ ઝડપી કાર્યવાહી કરી આરોપી યુવકને પકડી પાડ્યો છે. ૨૮ જુલાઈ, ૨૦૨૫ના રોજ એક સગીર વયની દિકરીને પ્રેમના ઝંઝાળમાં ફસાવી યુવક દ્વારા અપહરણ કરવામાં આવ્યું હોવાની ફરિયાદ દાખલ કરવામાં આવી હતી. આરોપી તે દિકરીના વય અંગે જાણતો હોવા છતાં પણ લલચાવી તેને વાલીપણા હેઠળથી ભગાડી લઈ ગયો હતો અને મરવા માટે મજબૂર પણ કરી દીધા હોવાનો આક્ષેપ છે.
આ બનાવ સામે એ ડીવીઝન પોલીસ સ્ટેશનમાં ભારતીય ન્યાય સંહિતા (BNS) 2023ની કલમ ૧૦૮, ૧૩૭(૨), ૮૭ મુજબ ગુનો દાખલ કરવામાં આવ્યો હતો.
આ કેસમાં જુનાગઢ રેન્જના પોલીસ મહાનિરીક્ષક નિલેશ જાજડીયા, જિલ્લા પોલીસ અધિક્ષક સુબોધ ઓડેદરા અને નાયબ પોલીસ અધિક્ષક હિતેષ ધાંધલ્યાની સુચનાઓ હેઠળ “એ” ડીવીઝન પોલીસ ઇન્સપેક્ટર આર.કે. પરમારની નેતૃત્વમાં પોલીસે સક્રિય રીતે તપાસ હાથ ધરી હતી. ગુનાની ગંભીરતા જોઈને પોલીસનું સ્પેશિયલ દળ સતત બાતમીદારી ઉપર કાર્યરત હતું અને પોલીસ કોન્સ્ટેબલ પેશાભાઈ ચાવડા અને એએસઆઇ પંકજભાઈ સાગઠીયાને મળેલી ચોક્કસ બાતમીના આધારે આરોપી નયન દિનેશભાઈ સોલંકી (ઉમર ૨૪, રહે. પ્રદીપ ખાડીયા, જૂનાગઢ) તેના ઘરમાં હાજર હોવાનું જાણવા મળ્યું હતું.
આ માહિતી આધારે તાત્કાલિક પોલીસની ટીમે રેડ પાડી આરોપીને ઝડપી લીધો હતો. ત્યારપછી બી.એમ. વાઘમસી (પો.સબ.ઇન્સ.) આ કેસની આગળની કાર્યવાહી કરી રહ્યા છે. સમગ્ર કાર્યવાહી દરમિયાન પો.ઇન્સ. આર.કે. પરમાર, પો.સબ.ઇન્સ. બી.એમ. વાઘમસી, એ.એસ.આઈ. બી.એ. રવૈયા, પંકજભાઈ સાગઠીયા, પો.હેડકોન્સ. તેજલબેન સિંધવ, પો.કોન્સ. કલ્પેશભાઈ ચાવડા, જીગ્નેશભાઈ શુકલ, વિક્રમભાઈ છેલાણા, જયેશભાઈ કરમટા, અજયસિંહ ચુડાસમા, નરેન્દ્રભાઈ બાલસ અને જુવાનભાઈ લાખણોત્રા વગેરે અધિકારીઓ અને કર્મચારીઓએ શ્રેષ્ઠ કામગીરી કરી છે.
આ ઘટનાની ઝડપથી ઉકેલ લાવતાં પોલીસ તંત્ર દ્વારા દાખવવામાં આવેલ ચુસ્ત અને તટસ્થ કામગીરી પ્રશંસનીય છે.
અહેવાલ : નરેન્દ્ર દવે સાથે જગદીશ યાદવ, જૂનાગઢ
