ભારતીય બનાવટના ઈંગ્લીશ દારૂના મોટા જથ્થા સાથે એક શખ્સ ઝડપાયો, ₹1.25 લાખથી વધુનો મુદ્દામાલ કબ્જે – ભાવનગર એલસીબીની કાર્યવાહી

ભાવનગર:

શહેરના ચાવડી ગેટ વિસ્તારમાં વિદેશી દારૂના વિક્રેતાઓ સામે લોકલ ક્રાઈમ બ્રાંચે મોટી કાર્યવાહી કરતા પરપ્રાંતીય બ્રાન્ડના દારૂની ૪૦૭ બોટલ તથા બિયર ટીન મળી કુલ ₹1,25,287નો મુદ્દામાલ કબ્જે કર્યો છે. આ કાર્યવાહી દરમિયાન એક શખ્સને ઝડપી લેવામાં આવ્યો છે, જ્યારે બીજો આરોપી ફરાર છે.

પોલીસ મહાનિરીક્ષક શ્રી ગૌતમ પરમાર (ભાવનગર રેન્જ) તથા જિલ્લા પોલીસ અધિક્ષક ડૉ. હર્ષદ પટેલના દિશા-સૂચન મુજબ એલસીબી ટીમને દારૂ-જુગાર જેવી પ્રવૃત્તિઓ નાબૂદ કરવા નિર્દેશ આપવામાં આવેલ. ત્યારે તા. 01/06/2025ના રોજ પેટ્રોલિંગ દરમિયાન મળેલી ચોક્કસ બાતમી પરથી એલસીબી ટીમે રેઇડ કરતા દારૂનો મોટો જથ્થો ઝડપાયો હતો.

બાતમી અનુસાર ચાવડી ગેટ, રામાપીરના મંદિર પાસે આવેલા રહેણાંક મકાનમાં બિનઅધિકૃત રીતે દારૂનો જથ્થો છુપાવવામાં આવ્યો હતો. તત્કાળ પોલીસે રેડ કરીને એક શખ્સને ઝડપી લીધો હતો, જ્યારે બીજું શખ્સ સ્થળ પરથી ફરાર થયો.

ઝડપાયેલા આરોપીઓ:

1. હાર્દિક ઉર્ફે બોમ્બ પ્રવીણભાઇ કોળાદરા (ઉ.વ. 27) – વડવા, ભાવનગર
2. સંકેશ જેન્તીભાઇ ચુડાસમા – ચાવડીગેટ, ભાવનગર (ફરાર)

કબ્જે કરાયેલ મુદ્દામાલ વિગતવાર:

કુલ કબ્જે કરાયેલ મુદ્દામાલની કિંમત: ₹1,25,287/-

આ મુદ્દામાલ પરપ્રાંતીય સ્પષ્ટ સૂચનવાળી સીલ પેક બોટલોનો છે જેમ કે “For Sale in Rajasthan Only” અને “Punjab Only”, જે ગુજરાતમાં વેચાણ માટે માન્ય નથી.

આ બાબતે આરોપી વિરુદ્ધ નિલમબાગ પોલીસ સ્ટેશનમાં પ્રોહિબિશન અધિનિયમની વિવિધ કલમો હેઠળ ગુનો નોંધવામાં આવ્યો છે.

કામગિરી કરનાર ટીમ:

પોલીસ ઇન્સ. એ.આર. વાળા સાહેબના માર્ગદર્શન હેઠળ

• બાવકુદાન કુંચાલા
• વનરાજભાઇ ખુમાણ
• જયદિપસિંહ ગોહિલ
• એજાજખાન પઠાણ
• માનદિપસિંહ ગોહિલ

એલસીબીની આ કામગીરી એ સ્પષ્ટ સંદેશ આપે છે કે તંત્ર પરપ્રાંતીય દારૂ સપ્લાય કરનાર તત્વો સામે શક્તિશાળી કાર્યવાહી માટે પ્રતિબદ્ધ છે.

અહેવાલ: સતાર મેતર, ભાવનગર