ભાવનગર, તા. ૫ — ભાવનગર રેન્જના પોલીસ મહાનિરીક્ષક ગૌતમ પરમાર અને જિલ્લા પોલીસ અધિક્ષક ડૉ. હર્ષદ પટેલના માર્ગદર્શન હેઠળ, ભાવનગર લોકલ ક્રાઇમ બ્રાન્ચે (એલ.સી.બી.) ચોરી અને લૂંટના ગુનાઓ ઉકેલીને એક આરોપીને ઝડપી પાડ્યો છે.
પેટ્રોલિંગ દરમ્યાન એલ.સી.બી.ને બાતમી મળી કે વલ્લભીપુર પાટીવાડા વિસ્તારનો અજયભાઈ મહેશભાઈ સાણપરા પોતાના મકાનમાં ચોરાયેલા મોટરસાયકલ છૂપાવી રાખે છે. રેઇડ દરમ્યાન ત્યાંથી ૪ મોટરસાયકલ મળી આવ્યા, જેની કિંમત અંદાજે ₹૬૫,૦૦૦/- છે.
પૂછપરછ દરમ્યાન આરોપીએ સ્વીકાર્યું કે તેણે અને તેના સાથીદાર સંજયભાઈ ઘનશ્યામભાઈ મકવાણાએ મળીને આ બાઇકો ચોરી કરી હતી. સાથે જ તેણે કબૂલ કર્યું કે આશરે આઠ દિવસ પહેલા વલ્લભીપુરમાં એક મહિલા પર હુમલો કરી સોના-ચાંદીના દાગીના લૂંટી લીધા હતા. લૂંટનો મુદ્દામાલ સંજય મકવાણા પાસે હોવાનું બહાર આવ્યું.
પકડાયેલ આરોપી:
૧. અજયભાઈ મહેશભાઈ સાણપરા (૨૩), રહે. વલ્લભીપુર પાટીવાડા વિસ્તાર — (પકડાયો)
૨. સંજયભાઈ ઘનશ્યામભાઈ મકવાણા, રહે. દડવા, તા. ઉમરાળા — (પકડવાનો બાકી)
કબ્જે કરેલ મુદ્દામાલ:
હીરો સ્પ્લેન્ડર (સિલ્વર કલર) — ₹૨૦,૦૦૦/-
હીરો હોન્ડા સ્પ્લેન્ડર પ્લસ (કાળો) — ₹૧૫,૦૦૦/-
હીરો સ્પ્લેન્ડર પ્લસ (કાળો) — ₹૧૫,૦૦૦/-
હીરો હોન્ડા સ્પ્લેન્ડર (કાળો) — ₹૧૫,૦૦૦/-
કુલ કિંમત: ₹૬૫,૦૦૦/-
શોધી કાઢેલા ગુનાઓ:
સુરેન્દ્રનગર વઢવાણ પોલીસ સ્ટેશન ગુ.ર.નં. ૦૪૭૦/૨૦૨૫ (ક્લોઝ ૩૦૩(૨))
અમદાવાદ ગ્રામ્ય ધંધુકા પોલીસ સ્ટેશન ગુ.ર.નં. ૦૩૯૮/૨૦૨૫ (ક્લોઝ ૩૦૩(૨))
ભાવનગર વલ્લભીપુર પોલીસ સ્ટેશન ગુ.ર.નં. ૦૩૧૦/૨૦૨૫ (ક્લોઝ ૩૩૧(૩), ૩૦૯(૬), ૧૧૫(૨), ૧૧૮(૧))
કામગીરી કરનાર પોલીસ સ્ટાફ:
પોલીસ ઇન્સ્પેક્ટર એ.આર. વાળા, પી.ડી. ઝાલા (પોલીસ સબ ઇન્સ્પેક્ટર), તથા એલ.સી.બી. સ્ટાફ — બીજલભાઈ કરમટીયા, જયદાનભાઈ લાંગાવદરા, ફાલ્ગુનસિંહ ગોહિલ, હરિચંદસિંહ દિલુભા.
અહેવાલ સતાર મેતર સિહોર
