પોરબંદરનાં આર્યકન્યા ગુરુકુળ ખાતે મણિપુરી નર્તન-ગુરૂ તથા યોગ શીરોમણી ડો. સવિતાદીદી મહેતાના જીવન અને કાર્યને ઉજાગર કરવા આંતરરાષ્ટ્રીય સેમિનાર યોજાયો હતો. આ સેમિનારનું અધ્યક્ષસ્થાન ભક્તકવિ નરસિંહ મહેતા યુનિવર્સિટીના કુલપતિ પ્રો. પ્રતાપસિંહજી ચૌહાણે ગ્રહણ કર્યું હતું.
કાર્યક્રમ દરમિયાન ડો. સવિતાદીદીનાં જીવનકાવ્ય “ટોકન ઓફ નોલેજ” પુસ્તક, પેમ્પલેટ તથા વિદ્યાર્થી-અધ્યાપકો દ્વારા તૈયાર કરાયેલ સ્મારિકા (સોવેનીયર)નું વિમોચન કરવામાં આવ્યું.
પ્રો. પ્રતાપસિંહજી ચૌહાણે પોતાના અધ્યક્ષીય સંબોધનમાં જણાવ્યું હતું કે –
“નારી સ્વાતંત્ર્યની મશાલ પ્રગટાવનાર, સ્ત્રી શિક્ષણના પ્રસારક, મણિપુરી નૃત્યમાં એકાકી નૃત્યના પ્રયોગ કરનાર દેશની સૌ પ્રથમ મહિલા, ડોક્ટર ઓફ લિટરેચર પદવીથી સન્માનિત અને પૂર્વ રાષ્ટ્રપતિ જ્ઞાની ઝૈલસિંહ દ્વારા ‘યોગ શીરોમણી’ ખિતાબથી અલંકૃત ડો. સવિતાદીદી મહેતા, પોરબંદર તેમજ સમગ્ર ગુજરાત માટે ગૌરવ સમાન છે.”
તેમણે ઉમેર્યું કે, ૩૮ વર્ષના શૈક્ષણિક કારકિર્દી દરમિયાન સવિતાદીદીએ શિક્ષણ સાથે સંસ્કાર અને સંસ્કૃતિનું સંવર્ધન કર્યું. નવી શિક્ષણ નીતિમાં ભારતીયતા પ્રત્યેનું મહત્વ પણ તેમણે પોતાના ઉદબોધનમાં રેખાંકિત કર્યું.
આંતરરાષ્ટ્રીય સેમિનારમાં પોરબંદરના પૂર્વ કલેક્ટર અશોક શર્મા તથા યુ.કે.ની બેવેર્લી સ્વેનએ પણ ડો. સવિતાદીદી સાથેના પોતાના અનુભવો રજૂ કર્યા.
મુખ્ય મહેમાન તરીકે સંગીત નાટક અકાદમી, નવી દિલ્હીના અધ્યક્ષ ડો. સંધ્યા પુરેચ ઉપસ્થિત રહ્યા હતા.
મુખ્ય વક્તા તરીકે જનાર્દનરાય નાગર યુનિવર્સિટીના બળવંત જાની, બ્રહ્મર્ષિ નિરંજન રાજ્યગુરૂ, પુષ્પાબેન જોષી અને ભદ્રાયુ વચ્છરાજાણીએ પણ સવિતાદીદીની સ્મૃતિઓને ઉજાગર કરી.
સેમિનારમાં ૧૮૫ જેટલા સંશોધન પેપરનું પ્રેઝન્ટેશન કરવામાં આવ્યું, જેમાં શિક્ષણશાસ્ત્રીઓ, અધ્યાપકો અને સંશોધકોની પ્રેરક ઉપસ્થિતિ રહી. તમામ રિસોર્સ પર્સનને સન્માનિત કરવામાં આવ્યા.
કાર્યક્રમમાં **લતા ડો. સવિતાદીદી મહેતાના જીવનથી પ્રેરિત બેલે કૃતિ “સાર્થક્રમ”**નું સુંદર પ્રસ્તુતિ પણ યોજાઈ હતી, જેણે શ્રોતાઓને મંત્રમુગ્ધ કર્યા.
📌 અહેવાલ : નરેન્દ્ર દવે સાથે જગદીશ યાદવ, જૂનાગઢ
