મહારાષ્ટ્રથી લગ્ન પ્રસંગની ખરીદી કરવા માટે એક પરિવાર સુરત આવ્યો હતો. ત્યારે આ પરિવારની મહિલા રેલવે સ્ટેશન નજીક હતી તે સમયે એક અજાણ્યો ઈસમ મોટરસાયકલ પર આવ્યો હતો.મહિલાના હાથમાં રહેલું પર્સ સ્નેચિંગ કરીને ભાગી ગયો હતો. ત્યારબાદ આ સમગ્ર મામલે મહીધરપુરા પોલીસ સ્ટેશનમાં ગુનો દાખલ થયો હતો.પોલીસે આરોપીને પકડવા માટે અલગ-અલગ ટીમો બનાવી હતી.
પોલીસે સીસીટીવી ફૂટેજના આધારે તેમજ હ્યુમન સોર્સ અને ટેકનિકલ વર્કઆઉટના આધારે આરોપીની ઓળખ કરી ઘટનાના ગણતરીના સમયમાં જ આરોપીની ધરપકડ કરી છે. આરોપી શોએબ સામે 45 ગુના નોંધાયેલા છે પોલીસે આરોપી અનીશ ઉર્ફે મનુ લંગડાની ધરપકડ કરી પર્સ સ્નેચિંગના ગુનાનો ભેદ ઉકેલ્યો છે. આ ઉપરાંત સોએબ નામના ઇસમને પોલીસે વોન્ટેડ જાહેર કર્યો છે. શોએબ સામે અગાઉ 45 કરતાં વધુ ગુના નોંધાયા હોવાનું પોલીસ તપાસમાં સામે આવ્યું છે.
