જિલ્લા વહીવટી તંત્ર દ્વારા ભવનાથ તળેટીમાં પ્લાસ્ટિક પર પ્રતિબંધ મુકાયો
- જાહેર રોડ રસ્તા અને મેળા પરિસરમાં પ્લાસ્ટિક ન ફેંકવા જાહેર અપીલ
જૂનાગઢ, તા. ૨૩ ફેબ્રુઆરી, ૨૦૨૫ : ભવનાથ તળેટી, જૂનાગઢ ખાતે મહાશિવરાત્રીનો ભવ્ય અને દિવ્ય મેળો શરૂ થઈ ચૂક્યો છે. સાધુ સંત મહંતો અને દિગંબર સંન્યાસીઓએ અલખની ધૂણી ધખાવી છે. દૂર દૂરથી ભાવિક ભક્તજનોનો પ્રવાહ સતત વધી રહ્યો છે. ગિરનાર અને ભવેશ્વર મહાદેવના જયઘોષ સાથે ગીરનાર તળેટી ખાતે ભક્તિમય વાતાવરણ બની ગયું છે.
સાંસ્કૃતિક કાર્યક્રમ મંચ
મેળા દરમિયાન દરરોજ સાંજે ૭ વાગ્યે ભવનાથ તળેટી ખાતે સાંસ્કૃતિક કાર્યક્રમો યોજાશે. આજે લોકસાહિત્યકાર જીતુભાઈ દાદ સહિતના કલાકારો ભજન સંતવાણીની પ્રસ્તુતિ કરી મેળાના ડાયરાને રંગ ચઢાવશે.
લોકસાહિત્યકારની અપીલ
લોકસાહિત્યકાર જીતુભાઈ દાદે ભાવિક ભક્તો અને જનતાને ગીરનાર તળેટીમાં સ્વચ્છતા જાળવવા અને કાળજી રાખવા અપીલ કરી છે. જિલ્લા વહીવટી તંત્ર દ્વારા વિવિધ સમિતિઓની રચના કરવામાં આવી છે, જે મેળાના સુચારૂ સંચાલન અને પરિસરની સ્વચ્છતા માટે કાર્યરત છે.
પ્લાસ્ટિક પર પ્રતિબંધ:
- જિલ્લા વહીવટી તંત્ર દ્વારા મેળા પરિસરમાં અને જાહેર માર્ગો પર પ્લાસ્ટિક કચરો ન ફેંકવા જાહેર અપીલ કરવામાં આવી છે.
- મેળામાં આવેલાં શ્રદ્ધાળુઓને પ્લાસ્ટિક પ્રતિબંધનું પાલન કરવા માટે અનુરોધ કરવામાં આવ્યો છે.
શ્રદ્ધાળુઓ માટે સુવિધાઓ
- ભોજન માટે વિશિષ્ટ વ્યવસ્થા.
- પીવાના સ્વચ્છ પાણીની પુરતી સુવિધા.
- કચરાના યોગ્ય નિકાલ માટે વિવિધ સ્થળોએ ડસ્ટબીનોની વ્યવસ્થા.
અહેવાલ : નરેન્દ્ર દવે સાથે જગદીશ યાદવ, જૂનાગઢ
