ભાવનગર
તા.૧૬/૦૬/૨૦૨૪ના રોજ ભાવનગર, એલ.સી.બી. સ્ટાફના માણસો મહુવા ટાઉન વિસ્તારમાં પેટ્રોલીંગમાં હતાં.તે દરમ્યાન પો.હેડ કોન્સ. ભદ્દેશભાઇ પંડયા તથા પો.કોન્સ. તરૂણભાઇ નાંદવાને બાતમીરાહે હકિકત મળેલ કે,’’ નેસવડ ગામે રમેશભાઇ ભીલના મકાન પાસે જાહેર જગ્યામાં અમુક માણસો ગોળ કુંડાળુ વળી પૈસા-પાના વતી તીનપત્તીનો હાર-જીતનો જુગાર રમે છે.’’
જે બાતમી આધારે બાતમીવાળી જગ્યાએ રેઇડ કરતાં નીચે મુજબનાં માાણસો ગંજીપત્તાના પાના-પૈસાથી તીન પત્તીનો હારજીતનો જુગાર રમતાં પકડાય ગયેલ. તેઓ વિરૂધ્ધ મહુવા ટાઉન પો.સ્ટે.માં જુગાર પ્રતિબંધક ધારાની કલમ હેઠળ ગુન્હો દાખલ કરાવવામાં આવેલ.
આરોપી વલ્લભભાઇ ખોડાભાઇ શિયાળ, ભરતભાઇ વિસાભાઇ ડાંગર ,સાગરભાઇ મનુભાઇ શિયાળ, મુકેશભાઇ રમેશભાઇ ચૌહાણને પકડી પાડીને કિં.રૂ.૨૦,૭૦૦/-નો મુદ્દામાલ કબ્જે કર્યો હતો જે કામગીરી પોલીસ ઇન્સ. શ્રી એ.આર.વાળાના માર્ગદર્શન હેઠળ પોલીસ સ્ટાફના ભદ્દેશભાઇ પંડયા, અશોકભાઇ ડાભી, તરૂણભાઇ નાંદવા, પીનાકભાઇ બારૈયાએ કરી હતી.
અહેવાલ : ગુજરાત બ્યુરો
