માંગરોળ તાલુકાના મેણેજ ગામે માનવીય સેવાનો અનોખો પ્રયોગ સાકાર થયો છે. અહીં સ્વ. પ્રતાપસિંહ રાઠોડ ચેરીટેબલ ટ્રસ્ટ દ્વારા સ્વ. ભરતસિંહ પ્રતાપસિંહ રાઠોડની દ્વિતીય પુણ્યતિથિ નિમિત્તે તેમજ સ્વ. અનિરુદ્ધસિંહ રતનસિંહ રાઠોડના સ્મરણાર્થે એક વિશાળ રક્તદાન કેમ્પનું આયોજન કરવામાં આવ્યું હતું.
આ મહાન કાર્યમાં મેણેજ તેમજ આસપાસના વિસ્તારોમાંથી યુવાનો અને ગ્રામજનો મોટી સંખ્યામાં જોડાયા હતા અને માનવસેવા માટે આતુરતાપૂર્વક રક્તદાન કર્યું હતું.
આ કેમ્પમાં માંગરોળ તાલુકા વિકાસ અધિકારી, સ્થાનિક ધારાસભ્ય તથા અનેક રાજકીય અને સામાજિક અગ્રણીઓએ હાજરી આપી હતી. આ તમામ મહેમાનોનો ઊજ્જવળ આગમન કાર્યક્રમને વધુ મહત્વપૂર્ણ બનાવતો રહ્યો હતો.
શ્રીરામ બ્લડ બેંક પોરબંદરના સહયોગથી આયોજિત આ રક્તદાન કેમ્પનું આયોજન ટ્રસ્ટના પ્રમુખ તથા ગ્રામપંચાયતના સરપંચ શ્રી દિલીપસિંહ પ્રતાપસિંહ રાઠોડ દ્વારા કરવામાં આવ્યું હતું.
આ રક્તદાન કેમ્પની સફળતા પાછળ ગામલોકોનો સહયોગ અને યુવાનોની ભાવનાત્મક જોડાણ મુખ્ય કારણ રહી છે. તમામ રક્તદાતાઓ તથા મહેમાનોનો દિલીપસિંહ રાઠોડ દ્વારા હૃદયપૂર્વક આભાર વ્યક્ત કરવામાં આવ્યો હતો.
રીપોર્ટર – પ્રકાશ લાલવાણી, માંગરોળ (જૂનાગઢ)
