માંગરોળ, જુનાગઢ:
હાલની ભારત-પાકિસ્તાન વચ્ચેની તણાવસભર પરિસ્થિતિને ધ્યાનમાં રાખી માંગરોળ એસ.ટી. ડેપો ખાતે હવાઇ હુમલા જેવી સ્થિતિમાં તત્કાળ પ્રતિસાદ માટે મોકડ્રીલનું આયોજન કરવામાં આવ્યું હતું.
આ કાર્યક્રમ નાયબ પોલીસ અધિક્ષક ડી.વી. કોડીયાતર સાહેબના માર્ગદર્શન હેઠળ વિવિધ સરકારી અને રેસ્ક્યુ વિભાગોની સંયુક્ત ટીમ દ્વારા આયોજનપૂર્વક હાથ ધરાયો હતો.
🚨 મોકડ્રીલની પરિસ્થિતિ અને કાર્યવાહી:
આ અભ્યાસ દરમ્યાન કલ્પિત રીતે માંગરોળ બસ સ્ટેન્ડ પર હવાઈ હુમલો થયાની જાણ થતા એસટી મેનેજર દ્વારા તાત્કાલિક પોલીસ, ફાયર, ૧૦૮ એમ્બ્યુલન્સ, ડિઝાસ્ટર મૈનેજમેન્ટ, PGVCL અને અન્ય વિભાગોને જાણ કરવામાં આવી હતી.
નિર્ધારિત સમયસીમા મુજબ તમામ સંસ્થાઓ ઘટના સ્થળે હાજર રહીને ઇજાગ્રસ્તોને સારવાર માટે ખસેડ્યા, આગ બુજાવવાની કામગીરી હાથ ધરવામાં આવી અને આસપાસના નાગરિકોને સલામત સ્થળે ખસેડવામાં આવ્યા.
👮♂️ જાગૃતિનું મહત્વપૂર્વક સંચાલન:
આ મોકડ્રીલનો ઉદ્દેશ માત્ર અભ્યાસ પૂરતો જ નહિ પરંતુ નાગરિકોમાં જાગૃતિ ફેલાવવા અને અચાનક બનતી આપત્તિનો હિમ્મતપૂર્વક સામનો કેવી રીતે કરવો તેની તાલીમ પણ આપવામાં આવી હતી.
🧾 મુખ્યા ઉપસ્થિતિ અને સહભાગી તંત્રો:
આ મહત્ત્વપૂર્ણ મોકડ્રીલમાં માંગરોળના મામલતદારશ્રી, પો.ઇન્સ.એસ.કે.દેસાઈ, મરીન પોલીસ ઇન્સ્પેકટર એ.જી. જાદવ, સબ ઇન્સ્પેકટર ડી.બી. સોલંકી અને જી.બી. કડછા, તેમજ ગર્વ ટીમ, મરીન કમાન્ડો, ટી.આર.બી. જવાનો, અને અન્ય વહીવટી તંત્રના અધિકારીઓ ઉપસ્થિત રહ્યા હતા.
📝 સંદેશ:
આ પ્રકારની ડ્રિલ્સ દ્વારા આપત્તિની પરિસ્થિતિમાં તંત્ર અને નાગરિકોની સંયુક્ત તૈયારીને બળ મળે છે અને કોઈપણ સંજોગોમાં જીવ અને માલની હાણીને ટાળવામાં સહાયરૂપ થાય છે.
📍 અહેવાલ:- પ્રકાશ લાલવાણી, માંગરોળ – જુનાગઢ
