માંગરોળ (જુનાગઢ),
જુનાગઢ જિલ્લાના માંગરોળમાં સિંધી સમાજના આગેવાનો અને યુવાનોની ઉપસ્થિતિમાં માંગરોળ સમસ્ત સિંધી નવયુવક મંડળની મીટિંગ યોજાઈ હતી. આ મીટીંગમાં સર્વાનુમતે પ્રમુખ, ઉપપ્રમુખ, સેકેટરી, જોઇન્ટ સેકેટરી, ખજાનચી અને કારોબારી સભ્યોની નવો નિમણૂક કરવામાં આવી હતી.
પ્રમુખ તરીકે પ્રકાશ લાલવાણીની ફરી વરણી:
મીટીંગમાં સર્વાનુમતે ફરી એકવાર પ્રકાશ લાલવાણીને પ્રમુખ તરીકે પસંદ કરવામાં આવ્યા હતા. તેમની સફળ આગેવાની અને સેવા કાર્યોના કારણે તેમને ફરી એકવાર આ મહત્વપૂર્ણ પદે પસંદ કરવામાં આવ્યા હતા. સાથે સાથે અન્ય હોદેદારોની નિમણૂક નીચે મુજબ છે:
- ઉપપ્રમુખ: નયન ભાવનાણી
- સેકેટરી: પ્રદિપ રંગલાણી
- જોઇન્ટ સેકેટરી: પ્રતિક તન્ના
- ખજાન્ચી: દિપક કોટક
- કારોબારી સભ્યો: કુલ ૭ સભ્યોની વરણી કરાઈ
સિંધી સમાજના આગેવાનો અને યુવાનોની ભવ્ય હાજરી:
આ મીટીંગમાં સિંધી સમાજના પ્રમુખ અશોકભાઈ કૃષ્ણાણી, લીનેશભાઈ સોમૈયા, દિલીપભાઈ ટીલવાણી સહિત સિંધી સમાજના અગ્રણીઓ અને મોટી સંખ્યામાં યુવાનો ઉપસ્થિત રહ્યા હતા. નવી કારોબારીની નિમણૂક બાદ તમામ નવનિયુક્ત હોદેદારોને ફુલહાર પહેરાવી ને ભવ્ય અભિનંદન પાઠવવામાં આવ્યા હતા.
ચેટીચંદ મહોત્સવની તૈયારીઓનો શંભુ:
નવનિયુક્ત મંડળે જણાવ્યું કે, આગામી ૩૦ માર્ચ ૨૦૨૫ ના રોજ સિંધી સમાજનું નવું વર્ષ એટલે કે ઇષ્ટદેવ ઝુલેલાલ ભગવાનનો જન્મોત્સવ (ચેટીચંદ મહોત્સવ) ભવ્ય અને યાદગાર બનાવવા માટે તૈયારી શરૂ કરી દેવામાં આવી છે.
- મહોત્સવ માટે વિવિધ સમિતિઓની રચના કરવામાં આવશે.
- ભવ્ય શોભાયાત્રા, સાંસ્કૃતિક કાર્યક્રમો અને ભક્તિ સંમેલન સહિતના કાર્યક્રમોનું આયોજન કરાશે.
- સમાજના દરેક વ્યક્તિને આ ઉત્સવમાં જોડાવા માટે આમંત્રણ અપાશે.
નવયુવક મંડળના પ્રમુખ પ્રકાશ લાલવાણીનું નિવેદન:
પ્રમુખ પ્રકાશ લાલવાણી એ જણાવ્યું કે, “સમસ્ત સિંધી સમાજને એક જોતાં રાખી, સમાજના હિતમાં અને ભવિષ્યમાં નવી પેઢીને સમાજ સાથે જોડવા માટે સતત પ્રયત્નશીલ રહેશે.“
નવપદાધિકારીઓના વરણી બાદ માંગરોળના સિંધી સમાજમાં આનંદ અને ઉત્સાહનો માહોલ છવાયો છે. સમગ્ર સમાજ દ્વારા નવનિયુક્ત મંડળને ભવિષ્યમાં સફળ કામગીરી માટે શુભેચ્છા પાઠવવામાં આવી છે.
અહેવાલ :- પ્રકાશ લાલવાણી, માંગરોળ-જુનાગઢ
