લોકસભાની ચૂંટણી શાંતિપૂર્ણ રીતે સંપન્ન થયા બાદ આજરોજ રાજ્યના પોલીસ વડા વિકાસ સહાય વડોદરા પોલીસ ભવન ખાતેપોલીસના ઉચ્ચ અધિકારીઓ સાથે બેઠક યોજી હતી.
લોકસભાની સામાન્ય ચૂંટણી સાથે જ વિધાનસભાની પેટા ચૂંટણી સમગ્ર રાજ્યમાં એકાદ ઘટના સંતરામપુર પરથમપૂરાની ચૂંટણી ને બાદ કરતાં શાંતિપૂર્ણ માહોલમાં, સંપન્ન થઇ છે.
ત્યારે પોલીસ તથા અર્ધ લશ્કરીદળો તેમજ એસારપીએફ સહિતની પ્લાટુન દ્વારા જે રીતે સરાહનીય કામગીરી કાળઝાળ ગરમી વચ્ચે કરવામાં આવી છે તેઓની કામગીરીને બિરદાવવા આજે રાજ્યના પોલીસ વડા વિકાસ સહાય વડોદરા પોલીસ ભવન ખાતે આવી પહોંચ્યા હતા જ્યાં પોલીસ બેન્ડ સાથે તેઓને ગાર્ડ ઓફ ઓનર થકી આવકારવામા આવ્યા હતા આ સમયે શહેર પોલીસ કમિશનર નરસિમ્હા કોમાર, અધિક પોલીસ કમિશનર મનોજ નિનામા સહિતના શહેર તથા જિલ્લાના પોલીસ ઉચ્ચ અધિકારીઓ ઉપસ્થિત રહ્યાં હતાં જ્યાં રાજ્યના પોલીસ વડા દ્વારા તમામ પોલીસ અધિકારીઓ સાથે બેઠક યોજી ચર્ચા કરવામાં આવી હતી સાથે સાથે કાયદો અને વ્યવસ્થા ને વધુ સુદ્રઢ બનાવવા અંગે પણ ચર્ચા કરવામાં આવી હોવાનું જાણવા મળ્યું છે.
અહેવાલ :- હર્ષ પટેલ (વડોદરા)
