વંથલી પોલીસ સ્ટેશનના વિસ્તારમાંથી એક શખ્સને દેશી બનાવટની બંદૂક સાથે ઝડપી પાડવામાં આવી છે. दिलावरनगर વિસ્તારમાં વસવાટ કરતી ઈસમ પાસેથી દેશી બનાવટની બંદૂક મળી આવી હતી. આ કાયદેસર હથિયાર વિના બંદૂક રાખવાના ગુનામાં પોલીસ દ્વારા ઝડપકારક કાર્યવાહી કરવામાં આવી છે.
જુનાગઢ રેન્જના નાયબ પોલીસ મહાનિરીક્ષક નિલેશ જાજડીયા તથા જિલ્લા પોલીસ અધિક્ષક સુબોધ ઓડેદરા સાહેબના નિર્દેશ અને જુનાગઢ ગ્રામ્યના ડિવિઝનલ નાયબ પોલીસ અધિક્ષક રવિરાજસિંહ પરમારના માર્ગદર્શન હેઠળ વંથલી પોલીસ સતત ગેરકાયદેસર હથિયારધારકો સામે કાર્યવાહી કરતી રહે છે.
તે દરમ્યાન પો.કોન્સ્ટેબલ મુળુભાઈ વાંદા અને ભરતસિંહ સીસોદીયાને મળી રહેલી બાતમીના આધારે માહિતી મળી હતી કે વંથલીના દિલાવરનગરમાં રહેતો રસુલ સલીમભાઈ લાડક નામનો ઈસમ પોતાના ઝુપડે દેશી બનાવટની બંદૂક રાખે છે.
પોલીસે તાત્કાલિક કાર્યવાહી કરતાં રસુલ સલીમભાઈ લાડક ડફેર (ઉમર 24, ધંધો મજૂરી) ને તેના ઘરમાંથી દેશી બનાવટની બંદૂક નંગ-1 કિંમત રૂ. 1000 સાથે ઝડપી પાડ્યો હતો. આરોપી સામે વંથલી પોલીસ સ્ટેશનમાં ગુ.ર.નં. 11203068230 અર્મ્સ એક્ટ કલમ 25(1-બી)એ તથા જી.પી.એક્ટ કલમ 135 મુજબ ગુનો દાખલ કરી કાયદેસર કાર્યવાહી હાથ ધરવામાં આવી છે.
આ સમગ્ર કાર્યવાહી વંથલી પોલીસ સ્ટેશનના પોલીસ ઈન્સ્પેક્ટર આર.એ. ચૌધરીના નેતૃત્વમાં પો.હેડકોન્સ્ટેબલ વી.કે. રાઠોડ, પો.કોન્સ્ટેબલ મિલનભાઈ વાળા, સંજયભાઈ સીસોદીયા, જીતેન્દ્રભાઈ કાથડ, ભરતસિંહ કાથળભાઈ, નિપુણભાઈ સોનારા અને મુળુભાઈ વાંદાએ સફળ બનાવી હતી.
અહેવાલ: નરેન્દ્ર દવે સાથે જગદીશ યાદવ, જૂનાગઢ.
