વલસાડ જિલ્લાના કપરાડા તાલુકાના અંભેટી ગામે રાજ્યના નાણાં, ઊર્જા અને પેટ્રોકેમિકલ્સ મંત્રી કનુભાઈ દેસાઈના હસ્તે રૂ. ૮૫૮ કરોડના ખર્ચે બનેલા ૬૬ કે.વી. સબસ્ટેશનનું ભવ્ય લોકાર્પણ કરવામાં આવ્યું. આ અવસરે મંત્રીશ્રીએ રાજ્યની સોલાર ઊર્જા નીતિના લાભોનો ઉલ્લેખ કરતાં જણાવ્યું હતું કે, હવે ખેડૂતોને દિવસે પણ સતત વીજળી મળી રહી છે.
મંત્રીશ્રીએ કપરાડાના ધારાસભ્ય જીતુભાઈ ચૌધરીના પ્રજાલક્ષી અભિગમની પ્રશંસા કરી અને અંભેટી-આસમા બ્રીજ માટે રૂ. ૨.૫૦ કરોડ અને ગોયમાં અંભેટી બ્રીજ માટે રૂ. ૧૫ કરોડની મંજूरी મળ્યાનું જાહેર કર્યું. તેમણે વધુમાં જણાવ્યું હતું કે સોલાર ઊર્જાના ઉપયોગથી હવે વીજળી વધુ સસ્તી બની છે અને લોકોને સ્માર્ટ મીટર અપનાવવાનું આવકારવાનું છે.
કાર્યક્રમમાં વલસાડ-ડાંગના સાંસદ ધવલભાઈ પટેલે નરેન્દ્ર મોદીના નેતૃત્વમાં શરૂ થયેલી વનબંધુ અને સાગરખેડૂ યોજના દ્વારા આદિવાસી વિસ્તારોના ઝડપી વિકાસ પર પ્રકાશ નાખ્યો.
સબસ્ટેશન લોકાર્પણ કાર્યક્રમમાં જેટકોના વડોદરાના મુખ્ય ઇજનેર કે.બી. રાઠોડે સ્વાગત પ્રવચન આપ્યું હતું, જ્યારે નવસારીના અધિક્ષક ઇજનેર પી.એન. પટેલે આભારવિધી નિભાવી હતી. સ્થાનિક ગ્રામજનો સહિત મોટી સંખ્યામાં અધિકારીઓ અને કર્મચારીઓ પણ હાજર રહ્યા હતા.
અહેવાલ: વિશાલ પટેલ, વલસાડ
