વડોદરા મહાનગરપાલિકાની બજેટ બેઠકમાં, મ્યુનિસિપલ કમિશનર દિલીપ રાણાએ જાહેરાત કરી કે વિશ્વામિત્રી નદીના ઉંડીકરણ અને વિસ્તરણ માટેની કામગીરી 5 માર્ચથી શરૂ કરાશે અને 100 દિવસમાં પૂર્ણ કરવાની યોજના છે.
વિશ્વામિત્રી પ્રોજેક્ટની મહત્વપૂર્ણ માહિતી:
- શહેરમાં પૂર અંગે પાલિકા અને રાજ્ય સરકાર દ્વારા લેવામાં આવેલા પગલાં અંગે ચર્ચા થઈ.
- નદીના ઊંડીકરણ અને વિસ્તરણ માટે રિટેન્ડર પ્રક્રિયા પૂર્ણ થઈ છે અને ટૂંક સમયમાં કામ શરૂ થશે.
- નદીના કામ માટે 15-18 લાખ ક્યુબિક મીટર સામગ્રી કાઢવાની યોજના.
- 45 પોકલેન્ડ, 250 ડમ્પર અને JCB મશીન દ્વારા કામગીરી થશે.
- 100 દિવસમાં પ્રોજેક્ટ પૂર્ણ કરવાનો લક્ષ્ય.
પ્રાણી સંરક્ષણ અને વિડીયોગ્રાફી:
- ફોરેસ્ટ વિભાગની ટીમની હાજરી રહેશે, જેથી માછલી, મગર અને અન્ય જળચર પ્રાણીઓની સુરક્ષા સુનિશ્ચિત થાય.
- આજવા ડેમ અને સયાજીબાગ માટે પ્રાણીઓ માટે પાંજરા તૈયાર.
- પ્રોજેક્ટની સમગ્ર કામગીરી ડ્રોન દ્વારા વિડીયોગ્રાફી અને ફોટોગ્રાફી દ્વારા ડોક્યુમેન્ટ કરાશે.
વિશેષ સુવિધાઓ:
- કામગરી ઝડપથી અને સમયમર્યાદામાં પૂર્ણ થાય તે માટે રાત્રિ દરમિયાન પણ કામગીરી શક્ય.
- વિશ્વામિત્રી નદીના વિકાસ માટે મહત્ત્વપૂર્ણ પગલાં.
અહેવાલ: ગુજરાત ન્યૂઝ ડેસ્ક
