ચોમાસાની લીલીછમ ઋતુમાં જ્યારે ધરતી પાણીથી સજીવ થાય છે, ત્યારે વેરાવળ નગરપાલિકાના નગરસેવક ધારાબેન ધર્મેશભાઈ જોશીએ “એક છોડ – માઈનું નામ” થિમ અંતર્ગત ૧૦૦૦ બિલીપત્રના રોપા નિશુલ્ક વિતરણ કરીને પર્યાવરણ જાગૃતિનું અનોખું અવલોકન કરાવ્યું છે.
આ વિતરણ કાર્યક્રમ વેરાવળના અટલ સ્પોર્ટ્સ કોમ્પ્લેક્સ ખાતે ગુરુપૂર્ણિમાના પાવન અવસરે યોજાયો હતો. ધારાબેનના જણાવ્યા મુજબ આ કાર્યક્રમ માત્ર રોપા વિતરણ પૂરતો જ નહિ, પણ પ્રકૃતિપ્રેમ અને સંવેદનાશીલતાને વિકસિત કરવા પ્રયાસરૂપ છે.
ઉલ્લેખનીય છે કે, ધારાબેન इससे પહેલા પણ ૧૧૦૦ તુલસીના રોપા, તેમજ વેરાવળની આદિત્ય બિરલા પબ્લિક સ્કૂલમાં નાની વયના બાળકોને પર્યાવરણ અંગે જાગૃત કરવાના હેતુથી ફળ-ફૂલના છોડનું વિતરણ કરી ચુક્યા છે. તેમના જીવનસાથી અને નગરસેવક ધર્મેશભાઈ જોશીની સેવાકીય કાર્યપ્રણાળીથી પ્રેરાઈ, તેઓએ પણ સતત પ્રકૃતિ અને સમાજ માટે કાર્ય કરવાનો સંકલ્પ લીધો છે.
કાર્યક્રમની શરુઆત પ્રખ્યાત કથાશાસ્ત્રી ડો. મહાદેવપ્રસાદ મહેતાના વરદહસ્તે કરવામાં આવી હતી. તેઓએ પોતાના ઉદ્બોધનમાં વૃક્ષારોપણને આધ્યાત્મિક તથા આધુનિક જીવનશૈલીનું મહત્વપૂર્ણ અંગ ગણાવ્યું હતું.
આ તકે જિલ્લા ભાજપ પ્રમુખ સંજયભાઈ પરમાર, નગરપાલિકા તથા ભાજપના વિવિધ આગેવાનો અને કાર્યકરો ઉપસ્થિત રહ્યા હતા. તમામે ધારાબેનના પર્યાવરણને લઈ સેવાભાવથી ભરેલા કાર્યને બિરદાવ્યું હતું અને આગામી સમયમાં આવા વધુ કાર્યક્રમો યોજવા માટે પ્રેરણા આપી હતી.
આ કાર્યક્રમ દ્વારા એકંદરે સંદેશો હતો કે, દરેક વ્યક્તિ પોતાના જીવનમાં ઓછામાં ઓછો એક છોડ ઉતારવાનું બીલ આપે અને પ્રકૃતિના રક્ષણ માટે સંકલ્પબદ્ધ બને.
અહેવાલ : પ્રકાશ કારાણી, વેરાવળ – સોમનાથ
