સ્વામિનારાયણ મંદિર વડતાલધામ સંચાલિત શાળંગપુરધામ ખાતે ગુરુપૂર્ણિમા તથા વ્યાસ પૂર્ણિમાની પાવન નિમિત્તે શ્રી કષ્ટભંજનદેવ હનુમાનજી દાદાનું દિવ્ય ષોડશોપચાર પૂજન ભક્તિભર્યા માહોલમાં યોજાયું હતું.
તા. 10 જુલાઈના ગુરુવારે સવારે 5:30 કલાકે મંગળા આરતી અને 7:00 વાગ્યે શણગાર આરતી કોઠારી વિવેકસાગરદાસજી સ્વામી (અથાણાવાળા)ના વેદઘોષ વચ્ચે કરવામાં આવી. દાદાને ખાસ પ્યોર સિલ્કના જરદોશી વર્કવાળા વાઘા પહેરાવવામાં આવ્યા હતા. દાદાના સિંહાસનને 250 કિલોથી વધુ સેવંતી અને ગલગોટાના ફુલોથી ભવ્ય શણગારવામાં આવ્યું હતું.
દિવસ દરમ્યાન સુખડીનો વિશેષ અન્નકૂટ ધરવામાં આવ્યો, સાથે ફળ, પુષ્પ, ડ્રાયફ્રુટ વગેરેથી દાદાનું ષોડશોપચાર પૂજન પણ કરવામાં આવ્યું. સાંજે 7 વાગે again વિવેકસાગરદાસજી સ્વામી દ્વારા સંધ્યા આરતીના ભવ્ય દ્રશ્યો સર્જાયા હતા.
આ પાવન પ્રસંગે હજારો ભક્તોએ સ્થળ પર અને ઓનલાઈન રહીને શ્રી કષ્ટભંજનદેવના દિવ્ય દર્શનનો લાભ લીધો હતો અને સંતો-ભક્તોની હાજરીએ પૂનમના પર્વને ભક્તિમય બનાવી દીધું.
અહેવાલ: નરેન્દ્ર દવે સાથે જગદીશ યાદવ, જૂનાગઢ
