ગાંધીનગર: રાજ્યમાં આગામી શાળા પ્રવેશોત્સવ અને કન્યા કેળવણી મહોત્સવના કાર્યક્રમોને ધ્યાનમાં રાખીને મુખ્યમંત્રી ભુપેન્દ્ર પટેલની ઉપસ્થિતિમાં આવતો માસિક ‘રાજ્ય સ્વાગત’ કાર્યક્રમ આગામી સોમવાર, તારીખ 30 જૂન, 2025ના રોજ યોજાવાનો છે.
પ્રતિ મહિને ચોથા ગુરુવારે યોજાતા રાજ્ય સ્વાગત કાર્યક્રમમાં નાગરિકોની અરજીઓ અને ફરિયાદોનું ઓનલાઈન સમાધાન કરવામાં આવે છે. જોકે, આ વખતે 26 થી 28 જૂન દરમિયાન શાળા પ્રવેશોત્સવ અને કન્યા કેળવણી મહોત્સવના આયોજનને કારણે કાર્યક્રમમાં ફેરફાર કરવામાં આવ્યો છે.
મુખ્યમંત્રીના જનસંપર્ક એકમ દ્વારા જાહેર કરાયું છે કે, આ વખતના રાજ્ય સ્વાગત કાર્યક્રમમાં નાગરિકો અને અરજદારો પોતાની રજૂઆતો સોમવાર, તારીખ 30 જૂનના રોજ સવારે 8:00 થી 11:00 વાગ્યા દરમિયાન ગાંધીનગર ખાતે સ્વર્ણિમ સંકુલ-2 માં રૂબરૂ આવીને કરી શકશે.
આ કાર્યક્રમમાં નાગરિકોની સમસ્યાઓનો તાત્કાલિક નિકાલ લાવવામાં આવે છે અને વિવિધ વિભાગોના અધિકારીઓની ઉપસ્થિતિમાં અરજદારને પોતાની અરજીઓની સીધી રજૂઆત કરવાની તક આપવામાં આવે છે.
👉 મુખ્ય મુદ્દા:
✔️ 30 જૂન, સોમવારે રાજ્ય સ્વાગત કાર્યક્રમ યોજાશે
✔️ શાળા પ્રવેશોત્સવ અને કન્યા કેળવણી મહોત્સવના આયોજનને અનુરૂપ તારીખમાં ફેરફાર
✔️ નાગરિકો 8:00 થી 11:00 દરમિયાન સ્વર્ણિમ સંકુલ-2 ગાંધીનગર ખાતે રજૂઆતો કરી શકશે
✔️ મુખ્યમંત્રી ભુપેન્દ્ર પટેલની ઉપસ્થિતિમાં યોજાશે કાર્યક્રમ
📝 અહેવાલ: પ્રકાશ કારાણી – વેરાવળ, સોમનાથ
