સાળંગપુર: પવિત્ર શ્રાવણ માસની ભક્તિમય શરૂઆતથી જ સ્વામિનારાયણ સંપ્રદાયના વિશ્વવિખ્યાત યાત્રાધામ સાળંગપુરધામ ખાતે located શ્રી કષ્ટભંજનદેવ હનુમાનજીને શિવજીના સ્વરૂપે શણગાર કરવામાં આવ્યો છે. આજે તા. 25-07-2025ના દિવસે શિવજીની પ્રતિકૃતિ રૂપે રૂદ્રાક્ષ અને ડમરૂ ધરાવતું વિશિષ્ટ વાઘું ધારણ કરાવાયું હતું અને સિંહાસન પર દિવ્ય શણગાર સાથે આરતી પણ યોજાઈ.
આ ભવ્ય શણગાર દર્શન ઉપરાંત યજ્ઞશાળામાં મારુતિ યજ્ઞ યોજાયો હતો, જેમાં અનેક ભાવિકોએ હાજરી આપી. આ પ્રસંગે પ.પૂ. શાસ્ત્રી સ્વામી હરિપ્રકાશદાસજી તથા કોઠારી વિવેકસાગરદાસજીના માર્ગદર્શન હેઠળ સમગ્ર આયોજનો ભક્તિભર્યા વાતાવરણમાં યોજાયા હતા.
શ્રાવણ માસ દરમિયાન તા. 25 જુલાઈથી 28 ઓગસ્ટ સુધી દર શનિવારે અન્નકૂટ દર્શન, છપ્પન ભોગ, ડ્રાયફ્રૂટ અને ચોકલેટ અન્નકૂટ જેવી વિશેષતાઓનો લાભ મળી રહેશે. સાથે સાથે દરરોજ દૈનિક યજ્ઞ, સંગીતમય સુંદરકાંડ પાઠ, ષોડશોપચાર પૂજન, મહા આરતી, રાજોપચાર પૂજન સહિત શ્રીકૃષ્ણ જન્માષ્ટમી પર મટકી ફોડ, રાસ-ગરબા અને DJ સંગીતના કાર્યક્રમ પણ યોજાવાના છે.
હનુમાન ચાલીસા પાઠ, શિવપૂજન, હિંડોળા દર્શન અને શ્રીમદ ભાગવત કથાના કાર્યક્રમો પવિત્ર શ્રાવણ માસ દરમિયાન રોજબરોજ ભક્તોને ભક્તિમાં લીન બનાવશે. કથા પ.પૂ. નારાયણમુની સ્વામી દ્વારા સંચાલિત થશે જે દરરોજ સાંજે 4 થી 6:30 દરમિયાન યોજાશે.
શ્રાવણ માસના આ ભવ્ય મહોત્સવમાં સમગ્ર પરિવાર સાથે પધારી કષ્ટભંજનદેવના દિવ્ય દર્શનનો લાભ લેવા પ.પૂ. શાસ્ત્રી સ્વામી હરિપ્રકાશદાસજી અને કોઠારી સ્વામી વિવેકસાગરદાસજી તરફથી ભાવભીનું આમંત્રણ અપાયું છે.
અહેવાલ: નરેન્દ્ર દવે સાથે જગદીશ યાદવ, જૂનાગઢ
