ગાંધીનગર ખાતે સ્થિત સરદાર પટેલ લોકપ્રશાસન સંસ્થા દ્વારા તા. 5 જુલાઈ, 2025ના રોજ વર્ગ-1 અને વર્ગ-2ના અધિકારીઓ માટે ઈ-સરકાર તથા HRMS કર્મયોગી વિષય પર એકદિવસીય તાલીમ કાર્યક્રમનું આયોજન કરવામાં આવ્યું હતું.
આ કાર્યક્રમમાં ગુજરાત રાજ્યના વિવિધ વિભાગોમાંથી 120 નવનિયુક્ત અધિકારીઓએ ઉપસ્થિત રહી તાલીમનો લાભ લીધો. ઉપસ્થિત અધિકારીઓમાં રોજગાર અને તાલીમ વિભાગ, શિક્ષણ, નાણાં, ખાણ અને ખનિજ, સામાજિક ન્યાય અને અધિકારીતા વિભાગ તથા ગૃહ વિભાગના જિલ્લા હોમગાર્ડ કમાન્ડન્ટ્સનો પણ સમાવેશ થતો હતો.
માન. મહાનિર્દેશક શ્રી હારીત શુક્લ, આઈ.એ.એસ.ના માર્ગદર્શન અને સંસ્થાના સહકારથી યોજાયેલ આ તાલીમ કાર્યક્રમમાં અધિકારીઓને રાજ્ય સરકારની ઈ-ગવર્નન્સ સિસ્ટમ અને કર્મયોગી HRMS પોર્ટલના સક્રિય ઉપયોગ અંગે વિસ્તૃત જાણકારી આપવામાં આવી હતી.
તાલીમ દરમિયાન
શ્રી નપયશુ કુમાર રાવલ (ICT ઓફિસર) દ્વારા ઈ-સરકાર વિષય પર માર્ગદર્શન આપવામાં આવ્યું,
જ્યારે શ્રી જયેશ દહિંડોચા (સંકલિત સચિવ) દ્વારા HRMS કર્મયોગી અને iGOT પ્લેટફોર્મ અંગે ઉપયોગી માહિતી અને પ્રસ્તુતિ આપવામાં આવી હતી.
આ તાલીમનો ઉદ્દેશ અધિકારીઓને ટેકનોલોજી આધારિત શાસન અને સંચાલન તરફ વધુ સક્રિય રીતે પ્રેરિત કરવાનો હતો.
સૂચનાત્મક વ્યાખ્યાન અને પ્રાયોગિક સત્રો દ્વારા અધિકારીઓને તેમની રોજિંદી કામગીરીમાં ડિજિટલ સાધનોના વધુ સકારાત્મક ઉપયોગ અંગે સશક્ત બનાવવામાં આવ્યા હતા.
અહેવાલ: મહિપાલભાઈ સુરત
