સુરત શહેરમાં ફરી એકવાર ચીખલીગર ગેંગના અપરાધકર્મો સામે પોલીસને મોટી સફળતા મળી છે. સિંગણપોર વિસ્તારની રેહમતનગર સોસાયટી સહિત અનેક રહેણાંક વિસ્તારોમાં વારંવાર થતી ઘરફોડની ઘટનાઓ પાછળ ચિખલીગર ગેંગની સંડોવણી હોવાનું ખુલે હવે પોલીસ દ્વારા ઘેરા ડાઘલાં વચ્ચે એક મુખ્ય આરોપીને ઝડપવામાં આવ્યો છે, જ્યારે બીજા આરોપી તરીકે એક બાળકિશોરને પણ ડિટેન કરવામાં આવ્યો છે.
🕵️♂️ ગુપ્ત બાતમી આધારે વોચ ગોઠવાઈ
ડિ-સ્ટાફને મળેલી ચોક્કસ બાતમીના આધારે સિંગણપોર ડભોલી પોલીસની ટીમે રાત્રે વિખૂટા વિસ્તારોમાં પેટ્રોલિંગ શરૂ કર્યું હતું. સંદિગ્ધ વ્યક્તિ જોતા જ પોલીસે ઘેરાવ કરી આરોપીને ઝડપી પાડ્યો. પોલીસે આરોપી પાસેથી ઘરફોડ દરમિયાન ચોરી કરેલો મુદામાલ પણ કબજે કર્યો છે, જેમાં રોકડ રકમ, સોનાં-ચાંદીના દાગીના અને ઘરફોડ માટે વપરાતા સાધનોનો સમાવેશ થાય છે.
👮♂️ બાળકિશોર પણ ગેંગનો ભાગ
ઘટનામાં ચિખલીગર ગેંગના એક અન્ય સાગરીત તરીકે બાળકીશોરની સંડોવણી સામે આવી છે, જેને પોલીસે કાયદેસરની પ્રક્રિયાને અનુસરીને ડિટેન કર્યું છે. પોલીસ અનુસાર આ બાળકીશોર અગાઉ પણ આવા ગુનાઓમાં સંડોવાયેલ હોવાની માહિતી મળી રહી છે.
🔍 વધુ તપાસ શરૂ
હાલ પોલીસ ચિખલીગર ગેંગના અન્ય સભ્યો સુધી પહોંચી શકે તે માટે આરોપી પાસેથી મળી રહેલી માહિતીના આધારે વધુ તપાસ શરૂ કરી છે. ખાસ કરીને શહેરના અન્ય વિસ્તારોમાં થયેલી ઘરફોડ ઘટનાઓમાં પણ તેની સંડોવણી છે કે નહીં તે દિશામાં પૂછપરછ ચાલી રહી છે.
📢 પોલીસની જાહેર અપીલ
સિંગણપોર ડભોલી પોલીસ મથકે જણાવ્યુ હતુ કે, આવું કોઇ સંદિગ્ધ હલચલ જણાય અથવા કોઇ અજાણ્યા વ્યક્તિઓ વાડીઓમાં તફરી કરતા જોવા મળે તો તરત પોલીસને જાણ કરવા જનતાને અપીલ કરવામાં આવી છે.
