હથિયારધારાના અને વન ગુન્હાના નાસતાં ફરતાં આરોપીને પકડી પાડતી લોકલ ક્રાઈમ બ્રાન્ચની કારગત કાર્યવાહી

📍 બ્રેકિંગ ન્યૂઝ | ભાવનગર🎙 અહેવાલ: સતાર મેતર, ભાવનગર

📰 સમાચાર વિગતવાર:
ભાવનગર જિલ્લાના વેળાવદર પોલીસ સ્ટેશનમાં દાખલ હથિયારધારાના ગુન્હામાં છેલ્લાં સવા વર્ષથી તથા વેળાવદર ફોરેસ્ટ રેન્જમાં દાખલ વન્યપ્રાણી ગુન્હામાં છેલ્લા બે વર્ષથી નાસતો ફરતો આરોપી શરીફભાઈ જગુભાઈ લાડક આખરે પોલીસના હાથે ઝડપાયો છે.

🔍 તપાસી અધિકારીઓની દ્રઢ કામગીરી:
પોલીસ મહાનિરીક્ષક ગૌતમ પરમાર તથા પોલીસ અધિક્ષક ડૉ. હર્ષદ પટેલના સૂચન પર લોકલ ક્રાઈમ બ્રાન્ચની ટીમ વણશોધાયેલ ગુનાહિત તત્વો સામે તવાઈ કરીને દબદબો ઊભો કરી રહી છે.
પોલીસ ઇન્સ્પેક્ટર એ.આર. વાળાના માર્ગદર્શન હેઠળ PSI વી.વી. ધ્રાંગુ અને ટીમ દ્વારા આરોપીને ગુંજાર ગામની સીમ, ધંધુકા તાલુકો, જી. અમદાવાદ વિસ્તારમાંથી ઝડપી પાડવામાં આવ્યો હતો.

⚖️ આરોપી વિરુદ્ધ ગુનાઓની વિગતો:

1. વેળાવદર પો.સ્ટે ગુ.ર.નં. 0007/2024 – આર્મ્સ એક્ટ કલમ 25(1)(1-B)(a) હેઠળ નોંધાયેલ ગુનો
2. વેળાવદર ફોરેસ્ટ રેન્જ ગુ.નં. 22/2023 – વન્યપ્રાણી સંરક્ષણ અધિનિયમ 1972 ની કલમ 2(16), 33, 39, 50, 51 મુજબ નોંધાયેલ ગુનો

👮 કામગિરી કરતી ટીમમાં શામેલ:

• અનિરૂદ્ધસિંહ ગોહિલ
• એજાજખાન પઠાણ
• માનદિપસિંહ ગોહિલ

📌 તપાસ આગળ ધપાવવામાં આવી:
આરોપીને વેળાવદર પોલીસ સ્ટેશનમાં સોંપીને કાયદેસર કાર્યવાહી હાથ ધરવામાં આવી છે અને વન વિભાગને પણ આ અંગે જાણ કરવામાં આવી છે.

🗣️ અંતે:
અમે જણાવી દઈએ કે લોકલ ક્રાઈમ બ્રાન્ચની આ કામગીરીથી વિસ્તારોમાં રહેતા નાસતા ફરતા ગુનાહિત તત્વોમાં ફફડાટ ફેલાયો છે અને પોલીસ તંત્રના ગૃહવિભાગમાં વધી રહેલા વિશ્વાસને વધુ મજબૂતી મળી છે.