જૂનાગઢ, તા.૧૯ એપ્રિલ, મુખ્ય નિવાર્ચન અધિકારી, ગુજરાત રાજ્ય,ગાંધીનગરના પત્રની સુચના મુજબ ૮૭-વિસાવદર વિધાનસભા મત વિસ્તાર પેટા ચૂંટણી-૨૦૨૫ અન્વયે તા.૦૮/૦૪/૨૦૨૫ થી તા.૨૪/૦૪/૨૦૨૫ સુધી મતદારયાદી ખાસ સંક્ષિપ્ત સુધારણા કાર્યક્રમ ચાલુ છે.
જે અંગેના હકક દાવાઓ/ વાંધાઓની યાદી ફોર્મ નંબર ૯, ૧૦, ૧૧, ૧૧- A અને ૧૧- B દૈનિક ધોરણે ભારતીય ચૂંટણી પંચની વેબસાઇટ પર અપલોડ કરવામાં આવે છે. માન્ય રાજકીય પક્ષના પ્રતિનિધિઓને આ યાદી દર અઠવાડિયે પુરી પાડવામાં આવે છે.
જે વિગતે અત્રેથી તા.૦૮/૦૪/૨૦૨૫ થી તા.૧૪/૦૪/૨૦૨૫ સુધીના હકક દાવાઓ / વાંધાઓની યાદી ફોર્મ નંબર ૯, ૧૦, ૧૧, ૧૧- A અને ૧૧- B માન્ય રાજકીય પક્ષના પ્રતિનિધિઓને તા.૧૫/૦૪/૨૦૨૫ના રોજ આપવામાં આવેલ છે.તેમ ચૂંટણી અધિકારી ૮૭- વિસાવદર વિધાનસભા મત વિસ્તાર અને પ્રાંત અધિકારી, વિસાવદરની યાદીમાં જણાવવામાં આવ્યું છે.
અહેવાલ : નરેન્દ્ર દવે સાથે જગદીશ યાદવ જૂનાગઢ
