🌧️ માંગરોળમાં કમોસમી વરસાદ: ખેડૂતો અને માછીમારોમાં ચિંતા વ્યાપી

ભર ઉનાળે માવઠાંથી વાતાવરણમાં પલટો, હવામાન વિભાગની આગાહી સાચી સાબિત

અહેવાલ: પ્રકાશ લાલવાણી, માંગરોળ – જુનાગઢ

માંગરોળ પંથકમાં આજે ભર ઉનાળે અચાનક કમોસમી વરસાદ વરસતા વાતાવરણમાં મોટો પલટો નોંધાયો છે. હવામાન વિભાગની આગાહી પ્રમાણે, માંગરોળ સહિત આજુબાજુના વિસ્તારોમાં કમોસમી માવઠું શરૂ થયું છે.

અકાળે થયેલા વરસાદના પગલે પાકો ખેતરમાં તૈયાર સ્થિતિમાં હોય કેરી, મગ અને તલ જેવા મોલ પાકો પર અસર થવાની શક્યતા, તેમજ માછીમારી કાર્યોમાં વિઘ્ન ઊભું થવાની ભીતિ સર્જાઈ છે.

ખાસ કરીને દરિયા પટ્ટી વિસ્તારમાં રહેતા માછીમારો માટે અચાનક બદલાયેલા આ હવામાનથી સાગરવેચન પર અસર પડે તેવી શક્યતા છે.

હાલમાં પંથકના ખેડૂતો અને માછીમારો આવેલા અસમયે વરસાદથી ચિંતિત જોવા મળી રહ્યા છે, તો હવામાન વિભાગ દ્વારા વધુ વરસાદની આગાહી આપવામાં આવી છે કે કેમ એ દિશામાં પણ નજર રાખવામાં આવી રહી છે.