🌾 જૂનાગઢમાં વૃતિકા યોજના અંતર્ગત મહિલાઓ માટે કેનિંગ તાલીમ કાર્યક્રમ૩૧ મે સુધી ઓનલાઈન અરજીની સમયમર્યાદા, રૂ. ૨૫૦ સ્ટાયપેંડ મળશે

જૂનાગઢ, તા.16 મે:
રાજ્ય સરકારના માર્ગદર્શન હેઠળ બાગાયત વિભાગ દ્વારા મહિલાઓ માટે વૃતિકા યોજના અમલમાં મુકાઈ છે. આ યોજના અંતર્ગત નાયબ બાગાયત નિયામકની કચેરી, જૂનાગઢ ખાતે કેનિંગ તાલીમ કાર્યક્રમ યોજાશે, જેમાં મહિલાઓને ફળ-ફુલ અને શાકભાજી આધારિત વાનગીઓ બનાવવાની તથા તેના પરિરક્ષણ અને પેકિંગની પ્રાયોગિક તાલીમ આપવામાં આવશે.

આ તાલીમમાં શીખવવામાં આવશે:

• વાનગીઓને લાંબા સમય સુધી સંગ્રહ કરવાની પદ્ધતિઓ
• વાનગીઓ બગડવાનું ટાળવાના ઉપાયો
• ડબ્બા પેકિંગ અને સ્ટોરેજ અંગેની તકનીકી માહિતી

તાલીમ દરમિયાન મહિલાઓને રોજના રુ. ૨૫૦ સ્ટાયપેંડ પણ મળશે અને તાલીમ પૂર્ણ કર્યા પછી પ્રમાણપત્ર આપવામાં આવશે.

આ યોજના માટે રસ ધરાવતી મહિલાઓએ ૩૧ મે, ૨૦૨૫ સુધીમાં https://ikhedut.gujarat.gov.in/site પોર્ટલ પર ઓનલાઈન અરજી કરવી રહેશે. વધુ માહિતી માટે નાયબ બાગાયત નિયામકની કચેરી, નીલમ બાગ, જૂનાગઢ ખાતે સંપર્ક કરી શકાય છે (ફોન: ૦૨૮૫-૨૬૩૫૦૧૯).

અહેવાલ : નરેન્દ્ર દવે સાથે જગદીશ યાદવ, જૂનાગઢ