🎂 સુરતના બુટલેગર ધવલ રાઠોડે જાહેરમાં ઉડાવ્યું નિયમોનું ધજાગરું, છરી વડે કેક કાપીને ઉજવ્યો જન્મદિવસ

સુરત, તા. ૨૦ જૂન:
જ્યાં એક તરફ સુરત શહેર પોલીસ કમિશનર દ્વારા જાહેર જગ્યાઓ પર અનધિકૃત રીતે શોરશરાબા, હથિયાર વડે ઉત્સવ મનાવવો તથા જાહેર સંસ્કૃતિ ભંગ પર કડક મનાઈ છે, ત્યાં બીજી તરફ મોટા વરાછાના જાણીતા બુટલેગર ધવલ રાઠોડે જાહેરમાં જન્મદિવસ ઉજવી નિયમોનું ઉલ્લંઘન કર્યું છે.

સોશિયલ મીડિયા પર વાયરલ થયેલા વિડીયો પ્રમાણે ધવલ રાઠોડે છરી વડે કેક કાપ્યો, ફટાકડા ફોડ્યા અને પૃષ્ઠભૂમિમાં ચાલતું ગીત “ઇન્કે દિલમેં ના પોલીસ કા ડર હે ના કાનૂન કા ખુઆફ…” વગાડીને સરળ ભાષામાં કાયદાને ઉડાડી દીધો છે.

આ વિડિયો સામે આવતાં લોકોમાં ગુસ્સો જોવા મળ્યો છે અને હવે મોટો સવાલ ઉઠે છે કે –
“શું સુરત પોલીસ આવા બુટલેગર વિરુદ્ધ કાયદેસરની કાર્યવાહી કરશે?”

અટકાયતથી દૂર રહેતા બુટલેગરો હજુ પણ ખુલ્લેઆમ જાહેરમાં પાવર શો કરતા હોય તેવો આ વિડિયો સુરત શહેરના કાનૂન વ્યવસ્થાની ચિંતાજનક પરિસ્થિતિ બતાવે છે.

હાલ પોલીસ વિભાગ દ્વારા કોઈ સત્તાવાર નિવેદન આપવામાં આવ્યું નથી, પરંતુ સામાજિક માધ્યમો પર લોકો સુરત પોલીસ પાસે આ ઘટનાની ગંભીરતાથી કાર્યવાહી કરવાની માંગ ઉઠાવી રહ્યા છે.

📍અહેવાલ: બ્યુરો રિપોર્ટ, સુરત