🎨🧘‍♀️ ભક્તકવિ નરસિંહ મહેતા યુનિવર્સિટીમાં યોગ દિવસની પૂર્વ સંધ્યાએ ચિત્ર અને નિબંધ સ્પર્ધા યોજાઈ, વિદ્યાર્થીઓએ ઉમળકાભેર ભાગ લીધો 📚

જૂનાગઢ, તા.૨૦:

૨૧મી જૂન, આંતરરાષ્ટ્રીય યોગ દિવસની ઉજવણીની પૂર્વસંધ્યાએ ભક્તકવિ નરસિંહ મહેતા યુનિવર્સિટી દ્વારા યોગ અંગે જાગૃતિ ફેલાવવા વિવિધ સ્પર્ધાઓનું આયોજન કરવામાં આવ્યું.

યુનિવર્સિટીના અનુસ્નાતક ભવનોમાં અભ્યાસ કરતા વિદ્યાર્થીઓ અને શોધસ્કોલર્સ માટે “યોગ અને સ્વાસ્થ્ય” થીમ પર આધારિત ચિત્ર સ્પર્ધા તથા નિબંધ સ્પર્ધા યોજાઈ. કાર્યક્રમનું આયોજન કુલપતિ ડૉ. પ્રતાપસિંહ ચૌહાણ તથા કા. કુલસચિવ ડૉ. મયંક સોનીના માર્ગદર્શન હેઠળ કરવામાં આવ્યું.

કુલપતિ ડૉ. ચૌહાણે સ્પર્ધકોને શુભેચ્છા પાઠવી જણાવ્યું કે,

“યોગ માત્ર કસરત નહીં, પણ જીવનના તમામ પાસાંઓમાં સંતુલન અને સંવાદિતા લાવતો આરોગ્યપ્રદ જીવનનો માર્ગ છે.“

વિદ્યાર્થીઓએ યોગના માધ્યમથી તંદુરસ્ત જીવનશૈલી અપનાવવાની ભાવનાને દર્શાવતા ચિત્રો ઉતાર્યા અને નિબંધોમાં વિચારપ્રેરક અભિગમ રજૂ કર્યો.

આ કાર્યક્રમને સફળ બનાવવામાં યુનિવર્સિટીના શારિરીક શિક્ષણ વિભાગના કો-ઓર્ડીનેટર પ્રો. જયસિંહ ઝાલા, રમત-ગમત વિભાગના કન્સલ્ટન્ટ શ્રી સલીમ સીડા અને NSSના કો-ઓર્ડીનેટર ડૉ. પરાગભાઈએ નોંધપાત્ર યોગદાન આપ્યું.

આ સ્પર્ધાઓ દ્વારા વિદ્યાર્થીઓમાં યોગ પ્રત્યે રુચિ અને સમજ ઊભી કરવાની દ્રઢ ભુમિકા ભક્તકવિ નરસિંહ મહેતા યુનિવર્સિટીએ ભજવી છે.

🖊️ અહેવાલ: નરેન્દ્ર દવે સાથે જગદીશ યાદવ, જૂનાગઢ