🏋️‍♂️ ખેલ મહાકુંભ 3.0 અંતર્ગત જૂનાગઢમાં રાજ્યકક્ષા વેઇટલિફ્ટિંગ સ્પર્ધાનું ભવ્ય આયોજન

જૂનાગઢ, તા. ૩૦:
ખેલ મહાકુંભ 3.0 અંતર્ગત રાજ્યકક્ષા વેઇટલિફ્ટિંગ સ્પર્ધાનું ભવ્ય આયોજન જૂનાગઢ ખાતે થયું, જેમાં સમગ્ર ગુજરાતમાંથી વિખ્યાત વેઇટલિફ્ટરો તથા નવા ખેલાડીઓએ ઉત્સાહપૂર્વક ભાગ લીધો.

સુરતના યશીર શેખ, ભારતીય ટીમ માટે પસંદ થયેલી વિદ્યા શર્મા, માઉન્ટ એવરેસ્ટ વિજેતા સામિયા પંચાલ અને એવોર્ડ વિજેતા જયદીપસિંહજી બારિયા તથા સારથી ભંડારી જેવી વ્યક્તિઓ સ્પર્ધાનું મુખ્ય આકર્ષણ બન્યા.

ગુજરાત વેઇટલિફ્ટિંગ એસોસિયેશનના પ્રમુખ મયુરભાઈ પટેલ અને DLSS ડાયરેક્ટર મનીષકુમાર જિલડીયાએ રમતની ભૂમિકા અને ભાવિ યોજના વિષે માહિતી આપી. ધારાસભ્ય સંજયભાઈ કોરડીયાએ “રમશે ગુજરાત, જીતશે ગુજરાત” સૂત્ર સાથે ખેલ મહાકુંભના માધ્યમથી યુવા અને સિનિયર ખેલાડીઓને નવી તકો મળે તે માટે વડાપ્રધાન શ્રી નરેન્દ્ર મોદી અને મુખ્યમંત્રી શ્રી ભૂપેન્દ્ર પટેલનો આભાર વ્યક્ત કર્યો.

આ પ્રસંગે નગરના પ્રમુખો સહિત ઘણા આગેવાનો ઉપસ્થિત રહ્યા અને વિજેતા ખેલાડીઓને મેડલથી સન્માનિત કરવામાં આવ્યા.

અહેવાલ: નરેન્દ્ર દવે સાથે જગદીશ યાદવ, જૂનાગઢ