🏚️ સુરતમાં વધુ એક જર્જરિત મકાનનો સ્લેબ તૂટી પડ્યો

સુરત:
શહેરના લાલ દરવાજા વિસ્તારમાં વધુ એક વખત જર્જરિત મકાનને લઇ ભયજનક ઘટનાની નોંધ થઇ છે. લાલ દરવાજાની મોટી શેરીમાં આવેલી વર્ષો જૂની બિલ્ડીંગનો સ્લેબ તૂટી પડતા આસપાસના વિસ્તારમાં અફરા-તફરી મચી ગઈ હતી.

આ દુર્ઘટના આજે સાંજે અંદાજે 6 વાગ્યાના સુમારે બની હતી. જ્યાં બિલ્ડીંગના ઉપરના ભાગનો છત તૂટીને સીધો નીચે પાર્ક કરેલી ફોર વ્હીલ કાર પર પડ્યો હતો. ગણીને ભયાનક ગણાય તેવી આ ઘટના સદનસીબે કોઈ વ્યક્તિના ઘાયલ થવામાં કે જાનહાનિમાં પરિવર્તિત થઇ નથી.

ઘટનાના પગલે સ્થાનિક રહીશોમાં દહેશતનો માહોલ જોવા મળ્યો હતો. લોકો ઘર બહાર નીકળી આવ્યા હતા અને મ્યુનિસિપલ ટીમને પણ ઘટનાની જાણ કરાઇ હતી.

શહેરના કેટલાક વિસ્તારોમાં હજુ પણ ઘણા એવા જર્જરિત મકાનો છે, જેના કારણે આવા બનાવો વારંવાર બનતા રહે છે. નગરજનો દ્વારા મનપાને અનુરોધ કરાયો છે કે આવા મકાનોને તાત્કાલિક રીતે ખાલી કરાવવાની કાર્યવાહી કરવામાં આવે જેથી ભવિષ્યમાં મોટી દુર્ઘટના ટાળી શકાય.