💥 પલસાણામાં પ્રેમ પ્રકરણમાં યુવકની હત્યા, ચાર આરોપી ફરાર 💥

સુરત: પલસાણાના તાતી ઝગડા ગામે પ્રેમ પ્રકરણના વિવાદને લઈને આયુષ રાઠોડ નામના યુવકની હત્યાનો ચોંકાવનારો બનાવ સામે આવ્યો છે. આ હત્યાનો અંજામ કૌશિક નામના યુવકે પોતાના સાગરીતોને બોલાવીને આપ્યો હોવાનું પ્રાથમિક તપાસમાં બહાર આવ્યું છે.

પ્રેમ પ્રકરણમાં થયો હત્યાનો અંજામ

પ્રાપ્ત વિગતો મુજબ, કૌશિક નામના યુવકના અન્ય મહિલા સાથેના સંબંધોની જાણ થતા આયુષ રાઠોડે આ બાબતનો પર્દાફાશ કરવાનું નક્કી કર્યું હતું. આથી ઉશ્કેરાયેલા કૌશિકે તેના સાગરીતોને બોલાવી તાતી ઝગડાના નવી કોલોનીમાં આયુષ પર હુમલો કર્યો અને તેને મોતને ઘાટ ઉતારી દીધો.

હત્યાના બાદ આરોપીઓ ફરાર

હત્યાના તુરંત બાદ કૌશિક અને તેના સાગરીતો ઘટના સ્થળેથી ફરાર થઈ ગયા હતા. સ્થાનિક લોકોએ ઘટનાની જાણ પલસાણા પોલીસને કરતા પોલીસ દોડી આવી હતી. એફ.એસ.એલ. (ફોરેન્સિક સાયન્સ લેબોરેટરી) ની ટીમે પણ ઘટના સ્થળે પહોંચી સાક્ષ્યો એકત્ર કર્યા હતા.

પોલીસે મૃતદેહનો કબજો લઈ કાર્યવાહી શરૂ કરી

પલસાણા પોલીસે મૃતદેહનો કબજો મેળવી પોસ્ટમોર્ટમ માટે મોકલ્યો છે અને આરોપીઓની શોધખોળ શરૂ કરી છે. પ્રાથમિક તપાસમાં આરોપી કૌશિકની પ્રેમ પ્રકરણના વિવાદને લઈને હત્યાની સંડોવણી સામે આવી છે.

👉 આ કેસમાં વધુ તપાસ ચાલી રહી છે અને આરોપીઓને ઝડપથી પકડવા માટે પોલીસ દ્વારા વિવિધ ટીમો ગોઠવવામાં આવી છે.

📢 અહેવાલ: સંતોષ જયસવાલ (સુરત ગ્રામ્ય)