💧 જળસંચય માટે મહત્ત્વનો પગલું : ધારાસભ્યોની ગ્રાન્ટમાંથી હવે પાણી બચતના કામોને પ્રાથમિકતા!

ગીર સોમનાથ:
વિકસિત ભારતના નિર્માણ માટે “જળસંચય” એ કેન્દ્રમાં છે. પીએમ નરેન્દ્ર મોદીના “જળ એ જ જીવન” ના મંત્રને અનુસરી રાજ્ય સરકારે મહત્ત્વનો નિર્ણય કર્યો છે. વર્ષ 2025-26થી ધારાસભ્યોના ગ્રાન્ટમાંથી થનારા વિકાસ કાર્યોમાં હવે જળસંચય સંબંધિત કાર્યોનો સમાવેશ ફરજિયાત રીતે કરાશે.

ક્યાં મળશે નાણાં અને કેટલી મર્યાદા?
🟢 દરેક ધારાસભ્યના ગ્રાન્ટમાંથી રૂ. 50 લાખ સુધી જળસંચય માટે ફાળવાશે
🟢 દરેક કામ માટે રૂ. 5 લાખ સુધી ખર્ચવાની મર્યાદા નક્કી
🟢 કુલ વાર્ષિક ગ્રાન્ટમાં વધારો થઈને રૂ. 2.50 કરોડ સુધી લાવવામાં આવી

“કેચ ધ રેઈન” અભિયાન અંતર્ગત યોજાનાર કાર્યોમાં શામેલ છે:

• ગામ તળાવો ઊંડા અને છિદ્રાળુ કરવી
• ચેકડેમ અને નહેરોની મરામત
• વરસાદી પાણી માટે વોટર હાર્વેસ્ટિંગ અને રીચાર્જ સ્ટ્રક્ચર બનાવવું
• સરકારી ઇમારતો પર રેન વોટર હાર્વેસ્ટિંગ
• પીવાનું પાણી ઉપલબ્ધ કરાવતી સુવિધાઓમાં સુધારાઓ
• STP/WTP રીપેરીંગ
• સ્ટોર્મ વોટર ડ્રેનેજ અને તળાવના પાળાના મજબૂતિકરણ જેવા અનેક કામો

આ નિર્ણય મુખ્યમંત્રી ભુપેન્દ્ર પટેલના માર્ગદર્શન હેઠળ અને જળ સંપત્તિ મંત્રી કુંવરજીભાઈ બાવળિયા તથા રાજ્ય મંત્રી મુકેશભાઈ પટેલના નેતૃત્વમાં લેવામાં આવ્યો છે. મહત્વનું છે કે, આ નિર્ણયથી માત્ર પાણી બચત નહિ, પણ ભવિષ્યના પાણીસંકટથી છુટકારો પણ શક્ય બનશે.

અહેવાલ: પ્રકાશ કારાણી, વેરાવળ