💸 સુરત: મહિલા PSI અને ASI સહિત ત્રણ લાંચખોર ઝડપાયા, 63,000ની લાંચ લેતા ACBનું છટકું

📍 સુરત – કાપોદ્રા
ગુજરાતમાં એક પછી એક લાંચિયા અધિકારીઓનો પર્દાફાશ થતો જઈ રહ્યો છે. સુરતના કાપોડ્રા પોલીસ સ્ટેશનમાં ફરજ બજાવતા મહિલા પીએસઆઈ મધુબેન રબારી, ASI નવનીતકુમાર જેઠવા અને એક ખાનગી વ્યક્તિ મનસિંહ સિસોદિયાને ₹63,000ની લાંચ લેતા ACB દ્વારા રંગે હાથે પકડવામાં આવ્યા છે.

પ્રાપ્ત માહિતી અનુસાર, નાણાકીય વ્યવહારના વિવાદને લઈ ફરિયાદી વિરુદ્ધ પોલીસ ફરિયાદ નોંધાઈ હતી અને તેનું નિકાલ પોલીસ અધિકારીઓ દ્વારા કરવામાં આવી રહ્યો હતો. તપાસની આડમાં આરોપીઓ ફરિયાદીને સતત દબાણ કરી રહ્યાં હતાં અને આખરે લાંચ તરીકે ₹63,000ની રકમ માગવામાં આવી હતી.

ફરિયાદીએ લાંચ આપવા ઇનકાર કરતાં ACB વડોદરા સંપર્ક કર્યો અને પછી અધિકારીઓએ હિરાબાગ પોલીસ પોસ્ટ ખાતે છટકું ગોઠવી આરોપીઓને લાલહાથ પકડી લીધા.

આ ધરપકડના આઘારે ACBએ વધુ તપાસ હાથ ધરી છે અને કાપોડ્રા પોલીસ સ્ટેશનની કાર્યપદ્ધતિ અને અન્ય સંડોવાયેલા કર્મચારીઓ વિશે પણ તપાસ શરૂ કરવામાં આવી છે.