📍 વિસાવદર વિધાનસભા પેટા ચૂંટણી માટે આખરી મતદાર યાદી જાહેર – કુલ 2.61 લાખથી વધુ મતદારો નોંધાયા

જૂનાગઢ, તા.૮:
૮૭-વિસાવદર વિધાનસભા બેઠકની આગામી પેટા ચૂંટણીને અનુલક્ષીને અંતિમ મતદાર યાદી જાહેર કરવામાં આવી છે. જાહેર થયેલ આ યાદી મુજબ કુલ 2,61,052 મતદારો નોંધાયા છે, જેમાં પુરુષ મતદારોની સંખ્યા 1,35,597, સ્ત્રી મતદારો 1,25,451 અને અન્ય મતદારો 4 છે.

🗳️ મતદાર યાદી સંદર્ભે પ્રક્રિયા વિગતે:

ભારતના ચૂંટણી પંચ, નવી દિલ્હી દ્વારા તારીખ 26 માર્ચ, 2025ના પત્ર આધારે લાયકાત તારીખ 1 એપ્રિલ, 2025 મુજબ વિશિષ્ટ સંક્ષિપ્ત સુધારણા કાર્યક્રમ શરૂ કરવામાં આવ્યો હતો.

📄 પ્રથમ પ્રસિદ્ધિ:
તારીખ 8 એપ્રિલ, 2025ના રોજ પ્રાથમિક મતદાર યાદી પ્રસિદ્ધ કરી દેવામાં આવી હતી. ત્યારબાદ તારીખ 24 એપ્રિલ, 2025 સુધીમાં મતદારોને હકદાવો અને વાંધાઓ રજૂ કરવાનો અવકાશ આપ્યો હતો.

📌 મેળવાયેલા ફોર્મ વિગતવાર:

• ફોર્મ 6 (નવા નોંધણી માટે): 591
• ફોર્મ 7 (હટાવા માટે): 554
• ફોર્મ 8 (સીફ્ટિંગ): 336
• ફોર્મ 8 (સુધારવા માટે): 791

આ તમામ અરજીઓ બાબતે BLO દ્વારા ફિલ્ડ વેરિફિકેશન તેમજ જરૂર પડ્યે ERO/AERO દ્વારા વધુ તપાસ બાદ નિયમસર નિર્ણય લેવામાં આવ્યો છે.

🌐 ઓનલાઇન અપડેટ:
મહત્વની તમામ વિગતો નમૂના ફોર્મ 9, 10, 11, 11A અને 11B મુજબ CEO ગુજરાતની વેબસાઇટ પર અપલોડ કરવામાં આવી છે. તેમજ માન્યતા પ્રાપ્ત રાજકીય પક્ષોને પણ અઠવાડિક ધોરણે માહિતી ઉપલબ્ધ કરાવવામાં આવી છે.

📌 અપીલની પ્રક્રિયા:
જે અરજદારો નિર્ણયથી અસંતુષ્ટ છે તેઓ લોક પ્રતિનિધિત્વ અધિનિયમ, 1950 ની કલમ 24-A તથા Registration of Electors Rules, 1960 ના નિયમ 27 મુજબ જિલ્લા મેજિસ્ટ્રેટ સમક્ષ અપીલ કરી શકે છે.

📣 જાહેર નોંધ:
આ અંગે જિલ્લા ચૂંટણી અધિકારી અને કલેક્ટર, જૂનાગઢ દ્વારા અધિકૃત નિવેદન જાહેર કરાયું છે.

અહેવાલ: નરેન્દ્ર દવે સાથે જગદીશ યાદવ, જૂનાગઢ