📢 દાતારના દીવ્યાંગ મહાયોગી: પૂજ્ય પટેલ બાપુની 35 મી પુણ્યતિથિ!!

📅 આજે 35 મી પુણ્યતિથિ
સમય વિતતો જાય છે, વર્ષો બદલાતા રહે છે, પણ પૂજ્ય પટેલ બાપુ આજે પણ હૃદયમાં જીવંત છે. સાદગી, સત્ય અને નિઃસ્વાર્થ જીવન જીવવાનો સંદેશ આપનારા આ મહાયોગી નું સ્મરણ કરવું એ જ એક સત્કાર્ય છે.

🏔 45 વર્ષ સુધી દાતાર પર્વત ન ઉતારનાર મહાસાધક
અઝાદી પહેલાં પટેલ બાપુ દાતારની ગાદીએ સ્થાપિત થયા અને પછી 45 વર્ષ સુધી પર્વતની સિડીઓ પણ ન ઉતારવી. સંપત્તિ, વૈભવ કે પ્રતિષ્ઠા પ્રત્યે તેમની કોઈ લાલસા ન હતી.

🔥 અખંડ ધુણ અને બાપાની સત્યસાધના
બાપાની ઝૂંપડીમાં એક ખૂણામાં અખંડ ધુણ ચાલુ રહેતી, ધૂણાના ધુમાડા ઓરડામાં ફેલાઈ જતા. તેમની સંપત્તિ માત્ર બે જોડી ઝભ્ભા-લેંઘા અને એક કોથળો હતો.

📺 80 ના દાયકામાં બાપાએ કહ્યું હતું – “ટી.ઉ. (ટી.વી.) દેશનું ધનોત પનોત કાઢી નાખશે”
80 ના દાયકાની વાત છે, જયારે ટીવી અને વીડિયો રેકોર્ડર લઈ તેમના જૂના સ્થળોની ઝલક બતાવવાનું આયોજન થયું. પણ બાપાએ સ્પષ્ટ ઈનકાર કર્યો, કારણ કે તેઓ કહેતા “મારે બધું અહીંથી દેખાય છે”. આ ગૂઢ વાક્ય આજે મોબાઈલ, ઈન્ટરનેટ અને મીડિયાની અસરો જોઈને વાસ્તવિક લાગે છે.

🔹 “સત્યથી મોટી કોઈ સાધના નથી”
બાપા નો ઉપદેશ સીધો અને સરળ –
✅ સત્ય બોલો અને જીવનમાં દાખલ કરો
✅ કોઈનું ખરાબ ઈચ્છશો નહીં, નિર્ભળની સહાય કરો
✅ ઈશ્વરને સાચા હૃદયથી સ્મરણ કરો, અને પછી બધું તેના પર છોડી દો

🙏 પટેલ બાપુની પુણ્યતિથિ નિમિત્તે તેમના ચરણોમાં વંદન 🙏

📌 અહેવાલ: જગદીશ યાદવ, જૂનાગઢ