📰સચિન પોલીસના અત્યાચારનો પર્દાફાશ: આરોપીની ગુદામાં પેટ્રોલ અને મરચું નાંખી ટોર્ચર કરનાર સચિન પોલીસના ચાર કર્મી સામે ગુનો દાખલ કરવા કોર્ટે આપ્યો આદેશ!!

📌 સુરત:
સુરતના સચિન પોલીસ સ્ટેશનમાં લૂંટના ગુનામાં પકડાયેલા ત્રણ આરોપીઓએ કોર્ટમાં ગુનો દાખલ કરવાની માંગણી કરતા ચોંકાવનારી વિગત બહાર આવી છે. આરોપીઓએ આરોપ લગાવ્યો કે કસ્ટડીમાં રહેલી અવસ્થામાં પોલીસ કર્મચારીઓએ તેમને શારીરિક અને માનસિક ત્રાસ આપ્યો હતો.

વિગત મુજબ, ફેબ્રુઆરી મહિનામાં સચિન પોલીસ સ્ટેશન દ્વારા રાકેશ પ્રકાશભાઈ વાધ, સુબોધ ધર્મેન્દ્ર રામાણી અને સૌરવ ઉર્ફે સૌરભ નામના ત્રણ આરોપીની લૂંટના કેસમાં ધરપકડ કરવામાં આવી હતી. આ ત્રણેયને પોલીસ કસ્ટડીમાં રાખ્યા બાદ કોર્ટમાં રજૂ કરવામાં આવ્યા હતા.

કોર્ટમાં જજ દ્વારા પૂછપરછ કરવામાં આવતા આરોપીઓએ ચોંકાવનારા આક્ષેપો કર્યા. તેમણે જણાવ્યું કે, ધરપકડ બાદ પોલીસ સ્ટેશનના ઉપરના માળે લઈ જઈને વનાર, પીતાંબર, નારાયણ અને જયપાલ નામના પોલીસ કર્મચારીઓએ બળજબરીથી બેન્ચ પર સૂવડાવીને પટ્ટા વડે માર માર્યો હતો.

બાદમાં, શેતાન નામનો ડ્રાઈવર પેટ્રોલ લઈને આવ્યો હતો. આરોપીઓએ દાવો કર્યો કે પોલીસકર્મીઓએ ઇન્જેક્શન મારફતે તેમના ગુદાના ભાગમાં પેટ્રોલ નાંખ્યું હતું અને ત્યારબાદ મરચું પણ નાંખ્યું હતું. આ અત્યાચાર બાદ પોલીસે ધમકી આપી હતી કે, “જો કોર્ટમાં ફરિયાદ કરશો તો ગુજસીટોકમાં ફિટ કરી દઈશું અને આખી જિંદગી જેલમાં જ જશે.”

અત્રે ઉલ્લેખનીય છે કે ઈંદ્રજિત સિંહ વનાર નામક પોલીસકર્મી સચિન વિસ્તારમાં છાકટા બનેલા બુટલેગરો ને છાવરે છે, અને મોટા પાયા પર સચિન વિસ્તારમાં ગેરકાયેદેસર ચાલતા દારૂના હાટડીયો નું વહીવટ કરે છે.

આ મામલે આરોપીઓએ કોર્ટમાં લેખિતમાં ફરિયાદ નોંધાવી હતી. આક્ષેપોની ગંભીરતા જોતા, કોર્ટે ત્રણેય આરોપીઓને સિવિલ હોસ્પિટલમાં મેડિકલ પરીક્ષણ માટે મોકલ્યા હતા. મેડિકલ રિપોર્ટમાં ટોર્ચરના નમૂના સ્પષ્ટ થયા હતા.

કોર્ટમાં બંને પક્ષોની દલીલો સાંભળ્યા બાદ અને મેડિકલ પુરાવાઓને આધારે, કોર્ટે સિંચન પોલીસ સ્ટેશનના વનાર, પીતાંબર, નારાયણ અને જયપાલ વિરુદ્ધ IPC ની કલમ 115(2), 351(2) અને 54 મુજબ ગુનો દાખલ કરવા અને ફોજદારી કેસ તરીકે રજિસ્ટર કરવા માટે આદેશ આપ્યો હતો.

આ ઘટનાએ સમગ્ર પોલીસ તંત્રમાં ખળભળાટ મચાવી દીધો છે. પોલીસ તંત્ર દ્વારા આ મામલે તપાસ શરૂ કરવામાં આવી છે અને આરોપી પોલીસ કર્મચારીઓ સામે કડક પગલાં ભરવાની શક્યતા છે.

🔥 આ મામલે હવે પોલીસ તંત્રની વિશ્વસનીયતા પર પ્રશ્નચિહ્ન ઉભા થયા છે. 😳