📰 ખંભાળિયા-ભાણવડ હાઈવે પર દુર્ઘટના | ભાજપ મહામંત્રીના ભાઈનું દુઃખદ અવસાન

દ્વારકા જિલ્લાના ખંભાળિયા-ભાણવડ હાઈવે પરથી દર્દનાક દુર્ઘટનાની માહિતી મળી રહી છે.
ભાજપના અગ્રણિ અને દ્વારકા જિલ્લા મહામંત્રીના ભાઈ જિતેન્દ્ર લાલજી નકુમ (ઉ.વ. ૩૫)નું શનિવાર-રવિવારની મોડી રાત્રે થયેલા અકસ્માતમાં ઘટનાસ્થળે જ દુઃખદ અવસાન થયું હતું.

પ્રાપ્ત વિગતો મુજબ, ભાણવડ નજીક આવેલા ભૂતવડ મંદિરે માનતા ઉતારવા જતી વખતે નકુમ પરિવારના સભ્યો પગપાળા યાત્રા પર હતા. એ દરમ્યાન બેફામ ઝડપે દોડી રહેલી બોલેરો કાર દ્વારા હડફેટે ઉડાડાતા દુર્ઘટના સર્જાઈ હતી. કાર ચાલકનો નિયંત્રણ ગુમાવતાં કાર સીધી ચાલીને જીવલેણ ટક્કર મારતાં જિતેન્દ્રભાઈનું ઘટના સ્થળે જ અવસાન નીપજ્યું.

કાર ચાલક ઘટના બાદ ફરાર થવાનો પ્રયાસ કરી રહ્યો હતો, પરંતુ ભાણવડ પોલીસે ત્વરિત પગલાં લેતાં બોલેરો ચાલકને ઝડપી પાડી આગળની કાર્યવાહી શરૂ કરી છે.

દુર્ઘટનાને પગલે સતવારા સમાજ અને ભાજપમાં શોકની લાગણી પ્રસરી છે. ભાજપના સ્થાનિક નેતાઓ અને સામાજિક આગેવાનો મૃતકને શ્રદ્ધાંજલિ અર્પણ કરવા પોહચી રહ્યા છે.

જિતેન્દ્ર નકુમના અવસાનથી સમગ્ર વિસ્તારમાં શોકનું વાતાવરણ છવાયું છે અને ભારે દુઃખની લાગણી પ્રસરી છે.

✍ સંવાદદાતા: ધર્મેન્દ્ર ઉપાધ્યાય, દ્વારકા