📰 ખેડબ્રહ્માના રોધરા ગામે IPS રવીન્દ્ર પટેલના ઘરે CBI ની તપાસનો દોર, ત્રણ ટીમો પૈકી એક રોધરા અને બે ગલોડિયા ખાતે તપાસમાં પ્રવૃત!

👉 ખેડબ્રહ્મા:
સાબરકાંઠા જિલ્લાના ખેડબ્રહ્મા તાલુકાના રોધરા અને ગલોડિયા ગામે આજે CBI ની ત્રણ અલગ-અલગ ટીમો દ્વારા તપાસની કાર્યવાહી હાથ ધરવામાં આવી છે. ત્રણ ટીમોમાંથી એક ટીમ રોધરા ગામે અને બે ટીમો ગલોડિયા ગામે પહોંચી તપાસ કરી રહી છે.

IPS રવીન્દ્ર પટેલ નું વતન રોધરા ગામ છે, જ્યારે ગલોડિયા ગામે તેમની સાસરી છે. CBI ની ટીમો ગલોડિયા ગામે રવીન્દ્ર પટેલના સાળા અને અન્ય પરિવારજનોની પૂછપરછ કરી રહી છે.

🔎 કેસનો સંબંધ પાલડીમાં ઝડપાયેલા ૧૦૦ કિલો સોનાથી

CBI દ્વારા હાથ ધરાયેલી આ તપાસ અમદાવાદના પાલડી વિસ્તારમાં થયેલા ડબ્બા ટ્રેડિંગ કેસ સાથે જોડાયેલી છે.

• આ કેસમાં ATS એ એક બંધ મકાનમાંથી ૧૦૦ કિલો સોનું જપ્ત કર્યું હતું.
• તપાસ દરમિયાન ચોક્કસ શેરમાં રોકાણ અંગે તપાસ ચાલી રહી છે.
• IPS રવીન્દ્ર પટેલના પરિવારજનોના આ રોકાણમાં કોઈ સંડોવણી છે કે કેમ તે અંગે પૂછપરછ ચાલી રહી છે.

🏢 IPS રવીન્દ્ર પટેલની સેવાઓ વિશે જાણો:

✅ હાલમાં ગુજરાત હાઉસીંગ બોર્ડ માં ફરજ બજાવે છે.
✅ અગાઉ પાટણમાં એસ.પી. તરીકે ફરજ બજાવી ચુક્યા છે.

આ ઘટનાને લઈ સ્થાનિકોમાં ભારે ચકચાર મચી ગઈ છે. CBI ની આ તપાસના પરિણામો આવનારા સમયમાં બહાર આવશે.

🔎 અહેવાલ: ચંદ્રકાંત પ્રજાપતિ, બ્યુરો ચીફ, સાબરકાંઠા