📰 ગુજરાત સ્થાપના દિવસે કપરાડામાં આમ આદમી પાર્ટીનું એક દિવસીય ઉપવાસ આંદોલન

📍 કપરાડા, વલસાડ | 1 મે 2025
ગુજરાત સ્થાપના દિવસના પાવન અવસરે આમ આદમી પાર્ટી દ્વારા સમગ્ર રાજ્યમાં જનહિતના પ્રશ્નોને લઈ પ્રતિકરૂપે એક દિવસીય ઉપવાસ આંદોલન યોજાયું. કપરાડા તાલુકાના વારોલી તલાટ ગામે તાલુકા પ્રમુખ રાજેશ રાઉતના નિવાસસ્થાને પણ આ કાર્યક્રમનું આયોજન થયું હતું.

આ શાંતિપૂર્ણ ઉપવાસ કાર્યક્રમમાં વિશેષ ઉપસ્થિતિ તરીકે વિધાનસભા પ્રભારી વિનોદ પટેલ, તાલુકા ઉપપ્રમુખ દિવ્યેશ પટેલ, ડોક્ટર સેલના પ્રમુખ અક્ષય પાહુ, અરણાઈ તાલુકા પંચાયત સંગઠન મંત્રી છગનભાઈ તેમજ સંગઠન મંત્રી અંકિતભાઈ હાજર રહ્યા હતા.

આંદોલનમાં મુખ્યત્વે સ્થાનિક સ્તરે શિક્ષણ, આરોગ્ય, પીવાનું પાણી અને માર્ગ જેવી મૂળભૂત સુવિધાઓના અભાવ અંગે મુદ્દા ઉઠાવાયા હતા. પાર્ટી કાર્યકરોએ સરકાર સામે વિરોધ વ્યક્ત કરી લોકોના હક માટે સતત લડત આપવાની પ્રતિબદ્ધતા વ્યક્ત કરી.

આમ આદમી પાર્ટીના કાર્યકરોએ જણાવ્યુ કે આવનારા સમયમાં પણ આવા કાર્યક્રમો દ્વારા પીડિત જનતાની અવાજ બની તંત્ર સુધી તેમની માંગ પહોંચી રહેશે.

🖊 અહેવાલ – વિશાલ પટેલ, વલસાડ