📰 જુનાગઢથી ભેસાણ અને ખજુરી હડમતીયા સુધીના સ્ટેટ હાઈવેના કામમાં ભ્રષ્ટાચારનો ખુલાસો!

જુનાગઢ થી ભેસાણ અને ખજુરી હડમતીયા નો સ્ટેટનો મુખ્ય માર્ગ નું કામ મધુરમ કન્ટ્રકશન દ્વારા ચાલી રહ્યું હોય રોડની બંને સાઈડો ખોદી કામ શરૂ કરવામાં આવ્યું છે ત્યારે આ કામમાં મોટા પાયે ભ્રષ્ટાચાર થતો હોય તેવું તાલુકા ભાજપ પ્રમુખ પ્રવીણભાઈ સોજીત્રા અને વિશળ હડમતીયા ના માજી સરપંચ મનસુખભાઈ વાઘેલા દ્વારા ખુલ્લો આક્ષેપ કરવામાં આવ્યો હતો અને કહેવામાં આવ્યું હતું કે ગુજરાત સરકાર દ્વારા આ રોડ રસ્તા માટે અંદાજિત 60 કરોડથી વધારે રકમ ફાળવેલી હોય તો આ રકમનો સદુપયોગ થાય તેવું ભેંસાણ ની જનતા ઈછી રહી છે પરંતુ આવા કોન્ટ્રાક્ટરોને કામ આપી સરકારના પૈસા નો વેડફાટ ખુલ્લે આમ થઈ રહ્યો છે આવા જાગૃત આગેવાનો અને આજુબાજુના ગામના સરપંચો ની અનેક વખત તાલુકા ભાજપ પ્રમુખ પ્રવીણભાઈ સોજીત્રાને ફરિયાદો મળી છે પરંતુ આવા કોન્ટ્રાક્ટરોને અને અધિકારીઓને કોઈપણ જાતની ફિકર નથી,

આ કામ માટે મુખ્ય માર્ગ નું કામ સારું અને ગુણવત્તા વાળું થાય તેવું આગેવાનો ઈચ્છી રહ્યા છે પરંતુ અધિકારીઓની મીલી ભગત ને લઈ આક્ષેપો થઈ રહ્યા છે રોડની સાઈડમાં વીજના પોલો અને મોટા ઝાડ રોડની બંને સાઈડ ઉપર વચોવચ હોવા છતાં આ કામ આગળ વધારવામાં આવી રહી છે અને સાથે ચોકલી પાસે નર્મદા પાણીના એરવાલ બરોબર વચોવચ હોય તે તમામ બાબતોને અધિકારીઓ ને દેખાતું નથી અને બંનેસાઈડો ખોદી કાકરી પાથરી દેવામાં આવી છે જેમાં ડબલ લેર માં કામ કરિ ને રોડ ઉપર પાણીનો છંટકાવ અને રોલર હકાવવાનું હોય છે પરંતુ કયા કયા પાણી છાંટે છે અને કયા કયા રોલર હાકે છે અને રાત્રિના સમયે ઓમ કોલેજથી લઈ અને ગોપાલ ગઢ સુધી જે કાંકરી પાથરવામાં આવી હતી તે રાત્રિના કોઈ અધિકારીઓ કે કોઈ સુપરવાઇઝર હાજર ન હોય અને પોતાની રીતે કાકરી પાથરી અને કામ ચલાવી લેવામાં આવ્યું છે આ કામ સરકારની ગાઇડલાઇન મુજબ થતું નથી જેની જાણ ભાજપ તાલુકા પ્રમુખે આર.એન.બી.ના ભ્રષ્ટ અધિકારીઓ ને ટેલીફોનિક જાણકારી હતી પરંતુ આજ સુધી કોઈ નક્કર કાર્યવાહી થઈ નથી અને સાથે સાથે વિશળ હળમતિયા પાટલા અને મેંદપરા વચ્ચે જે નાના પુલિયા અને ડાઈવરજન નું જે કામ થયું છે,

તંત્ર દ્વારા કે કોન્ટ્રાક્ટરો દ્વારા કોઈપણ જાતના બેનરો કે રેડિયમ પટ્ટીઓ મારવામાં આવતી નથી આવી જગ્યાએ અકસ્માતનો મોટા પાયે ભય રહે છે અને જે ડાઈવરજનો કાઢવામાં આવ્યા છે તેમાં નિયમ મુજબ પાણીનો છંટકાવ કરવામાં આવતો નથી અને આવતા જતા ભેસાણની જનતા અને કાયમી નોકરી ઉપર જતા કર્મચારીઓને ધુમ્મસ ઉડે છે છતાં પણ તંત્ર ધ્યાન આપતું નથી અને વિશળ હડમતિયાના માજી સરપંચ મનસુખભાઈ વાઘેલા એ તો ત્યાં સુધી કહી દીધું કે જે પુલિયા બનાવવામાં આવે છે તેમાં નિયમ મુજબ લોખંડ પાથરવામાં નથી આવ્યું અને તેવી અનેક રજૂઆતો અધિકારીઓને કરેલ છે છતાં પણ કોઈ ધ્યાન આપતું નથી અને મનસુખભાઈ વાઘેલાએ એવું પણ જણાવ્યું હતું કે આમાં મધુરમ કન્સ્ટ્રક્શન ના કોન્ટ્રાક્ટરો અને અધિકારીઓને મોટી મિલીભગત હોય તેવું જણાઈ રહ્યું છે જેમાં ખાસ કરીને જે મેંદપરા ગામ ના બસ સ્ટેન્ડ માં કોન્ટ્રાક્ટર દ્વારા સાઈડો ખોદી નાખવામાં આવી છે જેને 15 દિવસથી કોઈપણ જાતને કાર્યવાહી કરવામાં આવી નથી અને અધૂરું કામ મૂકી આગળ કામ ચાલુ કરી દીધું છે જેને લઇ ગામના વેપારી ભાઈઓ અને ગ્રાહકોને મોટી તકલીફો પડતી હોય પરંતુ આવું અધિકારી અને કોન્ટ્રાક્ટરોને દેખાતું નથી માટે આ આગેવાનોએ જો તત્કાલ કામ ઝડપથી શરૂ કરવામાં નહીં આવે તો આ કામ બે વર્ષે પણ પૂર્ણ થશે નહીં તેવું ભેસણના ભાજપ તાલુકા પ્રમુખ પ્રવીણભાઈ સોજીત્રાએ જણાવ્યું હતું,

આ તમામ ઋણ રસ્તા ની માહિતી તેઓ મુખ્યમંત્રી સુધી રજૂઆત કરશે એવું પણ જણાવ્યું હતું અને મનસુખભાઈ વાઘેલાએ એવું પણ કીધું હતું કે આ મધુરમ કન્સ્ટ્રક્શન અગાઉ પણ વિવાદો સાથે જોડાયેલું હોય તો પણ આવી એજન્સીને કામ આપી દેવામાં આવે છે અને એવી પણ માંગણી કરી હતી કે મધુરમ કન્સ્ટ્રક્શન એજન્સીને બ્લેક લિસ્ટ માં મૂકી દેવી જોઈએ તેવી માંગણી કરી હતી. જો આ કામ ગુણવત્તા વાળું નહીં થાય તો તમામ સરપંચોની સાથે રાખી અને ઉપલી કક્ષાએ રજૂઆત કરવામાં આવશે તેવું ભાજપ પ્રમુખ પ્રવીણભાઈ સોજીત્રાએ જણાવ્યું હતું.

અહેવાલ : કાસમ હોથી. ભેંસાણ.